Ekonomia

• Buxheti 2025: buxhet i veprave infrastrukturore

Buxhet i veprave infrastrukturore është cilësuar nga analistët projekt-buxheti i vitit 2025, që po diskutohet në komisionet parlamentare. Një ndër objektivat e këtij buxheti është rritja ekonomike përmes investimeve në infrastrukturë.
• Rënia e inflacionit e diktuar nga rënia e çmimit të naftës

Rënia e shpejtë e inflacionit gjatë vitit 2024 ka pasqyruar në masën më të madhe rënien e inflacionit të importuar. Kështu ka deklaruar Guvernatori i Bankës së Shqipërisë Gent Sejko gjatë analizës së tendencës së inflacionit gjatë vitit 2024, ndërsa tha se presionet e brendshme inflacioniste pasqyrojnë fazën pozitive të ciklit të biznesit në të cilën ndodhet ekonomia shqiptare.
• G20 në Brazil, fuqia kineze për zhvillimin e vazhdueshëm dhe kundër varfërisë

G20-a është një plotësim i sistemit të qeverisjes globale me OKB-në në thelb dhe përbën një platformë të rëndësishme ku mblidhen vendet e Jugut dhe Veriut Global për hartimin e rregullave ndërkombëtare.
• Shqipëria, destinacion përherë e më i njohur ndërkombëtarisht

Gjatë periudhës janar-tetor 2024, Shqipëria është vizituar nga 10,4 milionë vizitorë të huaj, sipas INSTAT. Ata ishin 16 përqind më shumë se periudha janar-tetor e vitit të shkuar. Shqiperia po dallohet në të gjitha raportimet e mediave ndërkombëtare, si destinacion turistik tërheqës dhe me plot thesare për të treguar. Organizata Botërore e Turizmit, në treguesin e saj “Barometri Global”, e renditi Shqipërinë të parën në Europë dhe të dytën në botë, sa i takon normës së rritjes së vizitorëve ndërkombëtarë. Besnik Vathi, Anëtar i Bordit Drejtues të Shoqatës së Operatorëve Turistikë të Shqipërisë në intervistë për Grupin Mediatik të Kinës (CMG) analizon këtë sukses të Shqipërisë
• Ecuria e investimeve në panelet fotovoltaike

Në një analizë të bërë lidhur me ecurinë e investimeve në panele fotovoltaike; përfaqësues të bizneseve në këtë fushë thonë se pavarësisht numrit të lartë të aplikimeve që janë bërë; prapë Shqipëria ka një konsum të lartë të energjisë dhe ka hapësirë për të bërë investime në energji të rinovueshme.
• Sektorët ku po happen bizneset e reja SME

Sipërmarrësit e rinj po joshen më së shumti për të kryer aktivitete biznesi në fushën e turizmit dhe teknologjisë. Drejtori i SME Albania Daniel Guçe thotë se trendi i bizneseve të reja vijon të jetë me rritje.
• Projektbuxheti i Shtetit për 2025- bazë për rritjen ekonomike të vendit

Qeveria shqiptare ka kaluar në Kuvend projekt-buxhetin e vitit 2025, i cili reflekton një periudhë pozitive nëpër të cilën po kalon vendi. Projektbuxheti për vitin 2025 parashikon një rritje ekonomike prej 3.9 përqind. Kjo rritje do të vijë nga shtimi i konsumit dhe nga investimet totale në ekonomi. Në rritjen tonë ekonomikë do të vijojë të kontribuojë bindshëm sektori i turizmit.
• CIIE 2024, ndarja globale e “mundësisë kineze”

Si një platformë e rëndësishme për hyrjen në tregun kinez, Ekspozita Ndërkombëtare e Importit e Kinës (CIIE) është bërë një dritare e rëndësishme për ndërmarrjet globale në eksplorimin e mundësive të investimit. Sipas Ministrisë së Tregtisë të Kinës, në CIIE 2024, që u zhvillua më 5-10 nëntor, janë organizuar një sërë aktivitetesh “Investim në Kinë”, duke nxitur “produktet e ekspozuara të shndërrohen në mallra dhe ekspozuesit të shndërrohen në investitorë”. Synimi është i thjeshtë: Kina po përpiqet të krijojë mundësi të re për më shumë ndërmarrje që të përdorin bashkërisht tregun e saj të madh.
• Buxheti 2025, objektivat e qeverisë

Ministri i Financave Petrit Malaj thekson se projektbuxheti 2025 përmbush dy objektiva themelorë, atë të sigurimit të një rritjeje ekonomike të qëndrueshme si dhe objektivin e konsolidimit fiskal. Të ardhurat buxhetore për vitin 2025 parashikohen në masën 754.6 miliardë lekë ndërsa shpenzimet buxhetore janë parashikuar në nivelin 822.7 miliardë lekë me një rritje në vlerë absolute prej 51.4 miliardë lekë, krahasuar me planin e rishikuar të vitit 2024.
• Shqipëria nis bisedimet teknike për anëtarësim në BE

Hapja praktike e kapitullit të parë të bisedimeve të anëtarësimit të Shqipërisë me Bashkimin Evropian, gjatë Konferencës së Dytë Ndërqeveritare mes Shqipërisë dhe Bashkimit Evropian ka rëndësi historike. Ky hap shënon kalimin e procesit nga niveli politik në atë praktik. Kryeministri Edi Rama u shpreh i bindur në Luksemburg, se Shqipëria bisedimet teknike për anëtarësimin në BE do t’i përfundojë shumë shpejt dhe do të nënshkruajë në pak vite Traktatin e Anëtarësimit.

më tepër>>>>

• Revista "Ejani", Nr. 2, 2017

• Mësojmë Kinezishte

• Radio Ejani

• https://www.facebook.com/CMGShqip/

• Follow @RadioEjani

• https://twitter.com/RadioEjani

• Ejani Studio

• www.instagram.com/ejanistudio/

• Shqipëria ecën në Rrugën e Mëndafshit

• Historia e Xinjiangut

Lajmet Kryesore