Foto nga VCG

Banka Qendrore e Kinës kreu të hënën një operacion kreditimi afatmesëm (MLF) prej 900 miliardë juanë (rreth 125.14 miliardë dollarë amerikanë), për të ruajtur likuiditet të arsyeshëm dhe të bollshëm në sistemin bankar të vendit, njofton “Xinhua”.

Operacioni MLF përmban një periudhë maturimi njëvjeçare dhe një normë interesi prej 2 për qind, e pandryshuar nga norma e operacionit të mëparshëm të kryer muajin e kaluar, sipas një deklarate të publikuar nga Banka Popullore e Kinës.

Pas operacionit të fundit, bilanci i papaguar i MLF-së ishte 6.239 trilionë juanë.

“Norma e MLF-së ndjek tendencat e tregut dhe luhatet në sinkron me normat e interesit të tregut. Kohët e fundit, normat e interesit të politikës dhe norma kryesore e kredisë, një normë bazë e huadhënies e bazuar në treg, kanë mbetur të qëndrueshme, prandaj edhe norma e MLF-së mbetet e pandryshuar këtë muaj”,- deklaroi Wang Qing, drejtues në “Golden Credit Rating”.

Rreth 1.45 trilionë juanë fonde MLF pritet të maturohen këtë muaj. Banka Qendrore kreu 500 miliardë juanë repo të anasjellta të plota në tetor, që ishte ekuivalente me lirimin e një shkalle likuiditeti afatmesëm paraprakisht.

Aktualisht, sipas analistëve, likuiditeti afatgjatë në treg mbetet relativisht i bollshëm.