Në fillimin e pavijonit, në krye të shkallares zigzage, të shoqëruar nga tinguj fshati, ekspozohej një orizore e vogël me bimë të shëndetshme. Tek lëvizje nëpër hollet dhe korridoret e pavijonit, ndjeje të shfaqej jeta në atë fshat, një atmosferë e gëzueshme, plot gjallëri dhe lëvizje.

Kjo jepej nëpër eksponatet e ndryshme, qoftë nëpërmjet mjeteve moderne audio-vizuale, qoftë nëpërmjet objekteve të vërteta. Kudo pasqyrohej puna e banorëve të Tengtou-t, kujdesi i tyre i veçantë për mjedisin ekologjik dhe bujqësor, pamjet piktoreske tërheqëse turistike të fshatit sa tipik aq edhe modern dhe të urbanizuar.

Në bisedën me zv/kujdestarin e Pavijonit, zotin Chen Wen Fei, ndër të tjera ai na tha se ky fshat, krahas zhvillimit të vrullshëm ekonomik dhe në jetesën e banorëve, është zhvilluar gjithashtu edhe në drejtim të turizmit ekologjik dhe bujqësor. Ai na tha se fshati në të ardhmen do të jetë edhe më i hapur ndaj zhvillimit dhe në mbrojtje të mjedisit. Turistët e prirë ndaj ekoturizmit dhe agroturizmit do të gjejnë gjithnjë edhe më tepër kushte për këtë lloj turizmi në objektet turistike të fshatit dhe nëpër shtëpitë e banorëve të fshatit dhe se në të ardhmen, zhvillimi i mëtejshëm do të ndikojë gjithashtu edhe më tepër në ekonominë e të gjithë zonës përreth.

LINKS:

Nga eksperienca ime në Shanghai: Erion Domi
Biznesmeni Eduart Molla për Kinën dhe Ekspozitën e Shangait
Dita e Pavijonit të Shqipërisë, e para në Expo
E gjithë bota në një qytet
Një udhëtim i paharrueshëm – EXPO 2010
"Rritu me ne" – Pavijoni i Shqipërisë në Ekspon e Shangait
"Ekspozita, marketingu më i mirë për Shqipërinë"
Ekspo ma bën jetën më të bukur