CGTN
Ish-kryeministri japonez Shinzo Abe u qëllua me armë në gjoks të premten gjatë një veprimtarie zgjedhore dhe është në gjendje kritike, citoi televizioni publik NHK burime të qeverisë japoneze, duke thënë se ai u qëllua nga prapa nga një burrë me një armë gjahu.
Policia tha se autori i dyshuar, një burrë 41-vjeçar i quajtur Tetsuya Yamagami, ishte arrestuar në qytetin perëndimor të Naras. Sipas televizionit "Fuji", ai është një ish-anëtar i Forcave të Vetëmbrojtjes Detare.
Kryeministri japonez Fumio Kishida e informoi vendin mbi gjendjen e Abe-së, duke thënë se ai është në "gjendje shumë të rëndë". Kishida e dënoi sulmin si të papranueshëm dhe u lut që Abe të mbijetojë.
Dhuna politike është e rrallë në Japoni, një vend me rregullore të rrepta për armët. Sipas NHK-së, duket se arma e përdorur ishte e bërë vetë.
CFP
Kina është e tronditur nga të shtënat mbi ish-kryeministrin japonez Shinzo Abe dhe shpreson që ai të dalë jashtë rrezikut dhe të shërohet, u shpreh zëdhënësi i Ministrisë së Jashtme kineze Zhao Lijian të premten.(Xu Guang)
