Foto： VCG
Një rrugë e re ajrore e transportit të mallrave do të lidhë qytetin jugor kinez të Shenzhen me Leipzigun në Gjermani, njoftoi Aeroporti Ndërkombëtar Shenzhen Baoan.
Itinerari operohet nga linja ajrore e ngarkesave “AeroLogic”, me gjashtë udhëtime vajtje-ardhje të kryera nga aeroplanët “Boeing 777” çdo javë, bën të ditur “Xinhua”.
Shenzhen është një qendër kërkimi, zhvillimi dhe prodhimi në sektorë të tillë si produktet elektronike, pajisjet e teknologjisë së lartë, pjesët e automjeteve, farmaceutikë dhe bioteknologji.
Sipas aeroportit, hapja e kësaj rruge të re për transportin ajror të mallrave mund të përmbushë më mirë kërkesën e fortë të tregut të logjistikës së aviacionit në Shenzhen dhe zonat përreth dhe të promovojë më tej shkëmbimet ekonomike dhe tregtare midis Kinës jugore dhe Evropës.
