Foto: VCG
Forcat Ajrore Indiane (IAF) kanë fajësuar zyrtarët e skuadronit të saj të raketave për një incident që lëshoi aksidentalisht një raketë në Pakistan, njofton “Xinhua”.
Incidenti ndodhi më 9 mars kur një raketë “BrahMos” u qëllua aksidentalisht dhe ra në territorin e Pakistanit. Hetimi është bërë nga një zyrtar i lartë i IAF-së.
"Më shumë se një zyrtar është fajësuar për incidentin, i cili ishte plotësisht i shmangshëm. Zyrtarët fajtorë do të ndëshkoheshin shpejt dhe ashpër", -citoi “Asian News International” burime qeveritare, duke theksuar se gjykata gjeti gjithashtu një shkelje të qartë të procedurave standarde të funksionimit nga zyrtarët në fjalë.
IAF-ja e ka marrë incidentin shumë seriozisht dhe po merr çdo hap nga brenda për të siguruar që incidente të tilla mos të ndodhin në të ardhmen dhe procedura të ndryshme standarde operative janë duke u rishikuar për të parë nëse kërkohet ndonjë ndryshim për t'i bërë gjërat më të lehta, thanë burimet.
