foto/VCG
Organizata Botërore e Shëndetësisë njoftoi se vendet që po luftojnë me rritje të infeksioneve Covid në disa situata mund të shkurtojnë kohëzgjatjen e rekomanduar të karantinës prej 14 ditësh.
Agjencia e OKB-së njoftoi se udhëzimet e saj të reja mund të jenë të dobishme për vendet ku shërbimet thelbësore janë nën presion. Sipas OBSH-së, për shembull, karantina mund të shkurtohet në 10 ditë pa test, dhe në 7 ditë me një test negativ, me kusht që personi mos të zhvillojë asnjë simptomë, raporton “The Guardian”.
Aty ku testimi për të shkurtuar karantinën nuk është i mundur, mungesa e simptomave mund të përdoret si një përfaqësues për testim, njoftoi agjencia në udhëzimin e saj të ri të përkohshëm.
OBSH po ashtu bëri të ditur se vendet mund të konsiderojnë lehtësimin e masave të gjurmimit të kontaktit në situata të ngjashme. Për kontaktet e njerëzve të infektuar me Covid, duhet të kenë përparësi ata që janë në rrezik më të lartë për t'u infektuar, si punonjësit e kujdesit shëndetësor, si dhe ata me rrezik të lartë të sëmundjeve të rënda si njerëzit me sëmundje themelore ose të pavaksinuarit.
