maskat Shba, the guardian
Disa shtete të SHBA-së filluan këtë javë të heqin masën për mbajtjen e maskës në disa zona të caktuara në vende publike. Sipas raporteve, vala e relaksimeve vjen pas muaj takimesh mes udhëheqësve shtetërorë.
“Ka ardhur koha që njerëzit t’u kthehen jetës së mëparshme”, -deklaroi Sean Maloney, kryetar i Komitetit të Demokratëve në Kongres, në mbështetje të fushatës së Nju Jorkut për të pezulluar masën për mbajtjen e maskës në ambiente të brendshme apo për të kërkuar vaksinën.
Megjithatë, heqja e rregullave nuk është duartrokitur në mënyrë unanime dhe po vjen në një kohë kur shumica dërrmuese e vendit (99%) ende po sheh transmetim të lartë të virusit, sipas Qendrave Amerikane për Kontrollin dhe Parandalimin e Sëmundjeve (CDC), raportojnë mediet amerikane.
Sondazhet publike tregojnë mbështetje të vazhdueshme për masën për maskat, por për ekspertët nuk është ende koha e duhur për të lehtësuar masat, pasi veprimet para kohe mund të zgjasin valën infektive.
Drejtoresha e CDC-së, Rochelle Walensky deklaroi se nuk është momenti i duhur për të hequr maskat në ambientet publike, megjithëse agjencia thuhet se analizon ndryshime në udhëzimet e saj për maskat.
Ndërsa rastet e Covid kanë rënë në kulmin rekord të Omicron, SHBA ende ka një mesatare prej më shumë se 230.000 raste në ditë, e ngjashme me kurbën e dimrit të kaluar. Sipas CDC, më shumë se 2300 njerëz vdesin çdo ditë nga Covid. Ndërsa shtrimet në spital kanë filluar të bien, 80% e spitaleve janë ende nën stres të lartë ose ekstrem.
