Foto: VCG
Rritja e favorit të konsumatorëve kinezë ndaj produkteve ushqimore turke, është përkthyer në një rritje prej 86 për qind të eksporteve për pjesën më të madhe të vitit 2021 pas ekspozitave të organizuara nga Kina pavarësisht pandemisë COVID-19, thanë zyrtarë të brendshëm të industrisë, njofton “Xinhua”.
Sipas të dhënave të publikuara nga Shoqata e Eksportuesve të Egjeut (EIB), eksportet e ushqimit të Turqisë në Kinë, një nga tregjet e saj më të mëdha të eksportit, panë një rritje të konsiderueshme mbi 300 milionë dollarë amerikanë në vlerë në 10 muajt e parë të vitit 2021.
Sasia, edhe pse një shumë modeste në importet e përgjithshme të Kinës, është ajo që prodhuesit turq po punojnë shumë për të rritur.
Turqia ka vendosur të eksportojë produkte ushqimore me vlerë 1 miliard dollarë në Kinë gjatë dy viteve të ardhshme, sipas EIB, e cila përfshin prodhuesit më të mëdhenj të frutave, perimeve, qumështit, arrave të thata dhe peshkimit në Turqi.
Vitet e fundit, marrëdhëniet midis Turqisë dhe Kinës janë përmirësuar ndjeshëm në fushën ekonomike, tregtinë, turizmin dhe transportin.
Kina ka bërë investime të rëndësishme në Turqi gjatë dekadës së fundit.
