Foto: Visual People
Presidenti francez Emmanuel Macron viziton Moskën, në një lëvizje diplomatike të rrezikshme, duke kërkuar angazhime nga presidenti rus Vladimir Putin për të ulur tensionet me Ukrainën, ku liderët perëndimorë kanë frikë se Kremlini planifikon një pushtim, njofton “Reuters”.
Macron ka bërë një sërë telefonatash me aleatët perëndimorë, Putinin dhe liderin ukrainas gjatë javës së kaluar. Ai do të vazhdojë të martën me një vizitë në Kiev, duke vënë shumë kapital politik në një mision që mund të jetë i turpshëm nëse ai kthehet duarbosh.
Rusia ka grumbulluar rreth 100.000 trupa pranë Ukrainës dhe ka kërkuar garanci të sigurisë nga NATO dhe SHBA, duke i bërë thirrje Aleancës mos ta pranojë kurrë Ukrainën si anëtare.
