OBSH AP
Rreth 90 milionë raste Covid 19 u regjistruan qëkur varianti Omikron u identifikua fillimisht 10 javë më parë, me numrin e vdekjeve në rritje në katër rajone. Në konferencën e përjavshme për shtyp, drejtori i përgjithshëm i Organizatës Botërore të Shëndetësisë (OBSH), Tedros Adhanon Ghebreyeus, deklaroi se numri i rasteve të raportuara që nga shfaqja e Omikronit është më i lartë se numri i përgjithshëm i regjistruar në të gjithë vitin 2020. Ai përmendi gjithashtu një rritje shumë shqetësuese të vdekjeve në shumicën e zonave të botës, me OBSH-në që raportoi katër nga gjashtë rajonet e saj që shohin tendenca në rritje të vdekjeve gjatë katër javëve të fundit.
Shefi i Emergjencave të OBSH-së, dr. Michael Ryan, tha se vendet me norma më të larta vaksinimi kanë më shumë zgjedhje në lidhje me vendimin për të tërhequr kufizimet e tyre. Megjithatë, sipas tij, ata duhet të marrin parasysh faktorë të tillë si epidemiologjia e tyre aktuale, popullata e tyre në rrezik, nivelet e imunitetit në popullatë, aksesi në mjetet për të luftuar Covid-in dhe fuqia e shërbimit të tyre shëndetësor.
