Ambasadori kinez në ShBA, Qin Gang, tha të enjten se Kina po punon për të ofruar më shumë lehtësi për vajtjen e drejtuesve amerikanë të biznesit në Kinë.
Duke folur në një darkë të organizuar nga Këshilli i Biznesit ShBA-Kinë, Qin u shpreh se Pekini tashmë ka formuluar një plan të veçantë pune dhe do t’ia paraqesë atë Këshillit.
"Me marrëveshjen e përmirësuar, koha e nevojshme për miratimin e udhëtimit do të jetë më e shkurtër, jo më shumë se 10 ditë pune. Testimi dhe karantina do të jenë më të përshtatshme. Ju mund të punoni gjatë karantinës nëse janë kushtet për një flluskë karantine," tha ambasadori.
