sony-xperia-pro-i-1.( nextrift.com)
Kompania japoneze Sony prezantoi smartfonin me te ri te saj, Xperia PRO-I, me një sensor kamere 1 inç të huazuar direkt nga kamera kompakte Sony Alpha RX100. Në këtë mënyrë Sony po ripërcakton termin “telefon me kamerë” me idenë e saj të re, dhe në fakt, pajisja njihet nga brenda si “Kamera”.
Ndryshe nga Xperia PRO, i cili ishte i përshtatur për transmetime të drejtpërdrejta, Xperia PRO-I ofron një paketë më të plotë për fotografët dhe të apasionuarit pas videove.
Karakteristika më e rëndësishme në bord është sensori i sipërpërmendur i kamerës Exmor RS me fokus automatik të zbulimit të fazës, i vendosur poshtë një ZEISS Tessar Optics 24 mm me hapje të dyfishtë F2.0/F4.0.
Sony e ka pajisur Xperia PRO-I me shumë veçori të nivelit pro dhe mjete softuerike. Per te gjithe ata qe nuk njohin aftësitë e sensorit 1 inç mund te themi se eshte pikerisht ai qe perdoret per kamerat profesionale.
Për të përfituar sa më mirë nga një sensor kaq i madh, Sony ka zgjedhur një sistem me hapje të dyfishtë në kamerën kryesore 24 mm. Opsionet F2.0/F4.0 zgjerojnë më tej aftësitë e kamerës kryesore, duke ju lejuar të kapni më shumë dritë në situata të vështira ose të ndryshoni thellësinë e fushës dhe të prodhoni shkrepje të nivelit pro.
Telefoni vjen i pajisur me tre kamera në anën e pasme, të gjitha me sensorë 12 MP. Lentja kryesore 24 mm plotësohet me një lente ultra të gjerë 16 mm dhe një 50 mm, dhe ka gjithashtu një sensor 3D për të ndihmuar me fokusimin automatik.
Photography Pro është i pranishëm në Xperia PRO-I duke i lejuar përdoruesit të modifikojnë pothuajse çdo aspekt gjatë shkrepjes, ndërkohë që ofron gjithashtu një modalitet bazë pa luhatje për foto të shpejta.
Xperia PRO-I vjen ne treg me një cmim që fillon nga 1700 deri në 2499 dollare.
