Egjipti merr një ngarkesë të re të vaksinës së dhuruar kineze “Sinovac”

Egjipti mori të hënën një dërgesë të re të vaksinës së dhuruar kineze “Sinovac”, njoftoi Ambasada Kineze në Egjipt.

Në një deklaratë të Ministrisë egjiptiane të Shëndetësisë thuhet se dërgesa u sigurua nga qeveria kineze në kuadër të bashkëpunimit mes dy vendeve në luftën kundër pandemisë, bën të ditur “Xinhua”.

“Vaksina është e sigurt dhe efektive”, -thuhet në deklaratën e ministrisë, duke shtuar se ngarkesa e re do të shpërndahet në qendrat e vaksinimit pasi të jetë testuar në laboratorët e Ministrisë së Shëndetësisë.

Egjipti ka marrë deri tani më shumë se 74 milionë doza të vaksinave kundër Covid 19, duke përfshirë vaksinat “AstraZeneca”, “Sputnik V”, “Johnson & Johnson”, “Pfizer” dhe “Moderna”, përveç “Sinopharm” dhe “Sinovac” të Kinës, sipas deklaratës.

Egjipti planifikon të vaksinojë 40 milionë të rritur deri në fund të vitit 2021. (Elona)