OBT do të kryejë rishikimin e 8-të të politikës tregtare të Kinës

Foto nga VCG

Organizata Botërore e Tregtisë (OBT) do të nisë shqyrtimin e tetë të politikës tregtare të Kinës të mërkurën, njoftoi Ministria kineze e Tregtisë.

Rishikimi do të zgjasë deri të premten dhe do të ketë pjesëmarrjen e ministrit të Tregtisë Wang Wentao dhe zëvendësministrit të Tregtisë Wang Shouwen në Pekin përmes lidhjes video, si dhe ambasadorit të Kinës në OBT Li Chenggang në Gjenevë, bëri të ditur ministria.

Ky vit shënon 20-vjetorin e pranimit të Kinës në OBT. Gjatë 20 viteve të fundit, Kina ka përmbushur plotësisht angazhimet e saj të pranimit, ka marrë pjesë aktive në punën e OBT-së dhe ka dhënë kontribute të mëdha në mbështetjen e sistemit tregtar shumëpalësh, njoftoi ministria, citon “Xinhua”.

Vendi ka pasur shtatë rishikime të politikave tregtare nga OBT më parë. Rishikimi i fundit u krye në vitin 2018.

Ministria do të përpunojë filozofinë e re të zhvillimit të Kinës gjatë rishikimit të tetë, do të shpjegojë reformën e re të vendit dhe masat e hapjes dhe do t'u përgjigjet shqetësimeve të ngritura nga anëtarët e OBT-së.

"Kina mirëpret të gjitha vendet që të ndajnë mundësitë e zhvillimit me të dhe është e gatshme të punojë me të gjitha palët për të mbrojtur së bashku sistemin tregtar shumëpalësh me OBT-në", -thuhet në një deklaratë të ministrisë. (Elona)