Qindra miliona persona mund të jenë infektuar tashmë me koronavirusin e ri, shumë më tepër sesa numri aktual prej rreth 35 milionë, sipas Organizatës Botërore të Shëndetësisë (OBSH).
“Vlerësimet tona më të mira aktuale na tregojnë se rreth 10% e popullsisë globale mund të jenë infektuar nga ky virus”, tha kreu i Operacioneve Urgjente të OBSH-së, Mike Ryan, shkruan “ATSH”.
“Numri i personave me Covid-19 ndryshon midis vendeve, qyteteve dhe zonave urbane, si edhe midis grupeve shoqërore”, shtoi ai.
Sipas Ryan, edhe pse numri i vërtetë i rasteve është shumë më i lartë se ai i raportuar, vlerësimi i OBSH-së do të thotë se shumica dërrmuese e personave nuk kanë antitrupa dhe mbeten të rrezikuar nga infektimi me Covid-19.
