Presidenti amerikan, Donald Trump dhe bashkëshortja e tij, Melania, rezultuan pozitivë me Covid 19 dhe do të futen në karantinë.
Lajmin e bëri të ditur vetë shefi i Shtëpisë së Bardhë nëpërmjet profilit të tij në “Twitter’.
“Unë dhe zonja e parë dolëm pozitivë me Covid-19. Ne do të fillojmë menjëherë karantinën dhe procesin e shërimit dhe do ta kalojmë këtë së bashku”, -shkroi Trump.
Disa orë më përpara, presidenti amerikan kishte njoftuar se do të izolohej pasi këshilltarja e tij e lartë Hope Hicks u konfirmua pozitive me koronavirus.
