Ricardo Palacios
Doktori Ricardo Palacios, drejtor i Departamentit të Kërkimit Klinik pranë Institutit Butantan, prodhues i produkteve imunobiologjike dhe vaksinave në Brazil, tha në një intervistë se provat klinike të vaksinës së koronavirusit të llojit të ri në bashkëpunim me Kinën po përparojnë me sukses. Ai shtoi se miratimi për hedhjen në treg të vaksinës do të varet nga efektiviteti i saj dhe pritet që rezultatet fillestare të dalin para fundit të këtij viti.
Qeveria e Sao Paulos në Brazil njoftoi më 11 qershor se kompania bioteknologjike Kexing Zhongwei e Pekinit dhe Instituti Butantan kanë nënshkruar një marrëveshje për të kryer një studim klinik të fazës III mbi vaksinën ndaj COVID-19. Më 21 korrik, nisën provat klinike në pesë qytete braziliane ku morën pjesë rreth 9000 vullnetarë.
Palacios është në krye të provës klinike të vaksinës së COVID-19.
"Tani, provat klinike po zhvillohen sipas planit," tha ai duke shtuar se, "Në provat klinike, të dhënat që kemi mbledhur tregojnë se vaksina që është në zhvillim e sipër do të rezultojë e suksesshme në të ardhmen".
Popujt e botës shqetësohen për faktin se sa të sigurta janë vaksinat. Palacios tha se siguria e vaksinave kineze është konfirmuar në Brazil.
"Jemi shumë optimistë për këtë. Sipas rezultateve të provave klinike, shumë pak njerëz kanë dhimbje të lehta të zonës së injektimit pas vaksinimit."
Cibele Santiago Lopez
42 vjeçarjaCibele Santiago Lopez, punon në Qendrën e Mbështetjes së Shëndetit Familjar në qytetin San Caetano do Sul, në Sao Paulo. Ajo mori pjesë në provën klinike të Fazës III të vaksinës dhe u injektua me vaksina përkatësisht më 10 dhe 24 gusht. Lopez tha se pas vaksinimit, ajo është në gjendje të mirë fizike.
"Vaksina nuk më dha ndonjë efekt të padëshirueshëm anësor. Po ashtu edhe miqtë e mi nuk patën asnjë efekt anësor. Çdo ditë punoj në vijën e parë të luftës kundër epidemisë. Nuk jam infektuar me koronavirusin e llojit të ri. Sigurisht, premisa është që të ndjek kërkesën e OBSh-së për mbrojtje personale."
Palacios shprehu vlerësimet e tij për ekipin bashkëpunues kinez, "Kompania Kexing e Pekinit përdori teknologji të ngjashme në zhvillimin e vaksinave SARS në vitin 2004 dhe gjithashtu u zhvillua prova klinike në atë kohë. Prandaj, mund të themi që Kexing ka aftësinë e hulumtimit dhe të zhvillimiit të kësaj lloje vaksine”, tha ai.
Palacio shtoi në intervistën e tij se: "Zhvillimi i produktit në fushën biofarmaceutike kërkon kërkime shkencore, prodhim dhe aftësi investimi të vendit. Kina, Brazili dhe disa vende të tjera po përpiqen të përdoren këto aftësi për novacion dhe bashkëpunimi i vendeve mund të shfaqë sa më shpejt përfitimet e risisë. Bashkëpunimi midis Institutit Butantan dhe Kompanisë Kexing të Pekinit për zhvillimin e vaksinës së koronavirusit është një shembull i mirë ". (Çang Çuo/Albana)
