Foto: VCG
Tre shkencëtarëve të dielën iu dha Çmimi i Shkencës së Ardhshme 2022, çmimi i parë joqeveritar kinez i shkencës, i iniciuar bashkërisht nga grupe shkencëtarësh dhe sipërmarrësish, njofton Xinhua.
Li Wenhui, profesor në Universitetin Tsinghua, fitoi çmimin në shkencat e jetës për zbulimin e receptorit të virusit të hepatitit B dhe D, polipeptidin bashkëtransportues taurokolat natriumi. Zbulimi mund të ndihmojë në zhvillimin e barnave më efektive për trajtimin e sëmundjeve.
Fituesi i çmimit në shkencat fizike ishte Yang Xueming, studiues në Akademinë e Shkencave Kineze. Ai zhvilloi teknika të brezit të ri të rrezeve molekulare me rezolucion dhe ndjeshmëri të lartë për studimet e dinamikës së reaksioneve të zgjidhura nga gjendja, duke zbuluar rezonanca kuantike dhe efekte të fazës gjeometrike në reaksionet kimike.
Ngaiming Mok, profesor në Universitetin e Hong Kongut, fitoi çmimin në matematikë dhe shkenca kompjuterike për zhvillimin e teorisë së Varieteteve të Tangenteve Minimale Racionale në gjeometrinë algjebrike për të zgjidhur disa probleme të vjetra dhe për të provuar hamendjen e Ax-Schanuel për varietetet Shimura.
I themeluar në vitin 2016, Çmimi i Shkencës së Ardhshme synon të shtyjë përpara kërkimin në shkencën bazë. Ai shpërblen shkencëtarët që kanë bërë arritje të rëndësishme kërkimore në Kinën kontinentale, si dhe në rajonet e saj Hong Kong, Makao dhe Tajvan.
Njëzet e shtatë shkencëtarë, duke përfshirë shkencëtarin e famshëm të bujqësisë Yuan Longping, fizikanin Xue Qikun dhe biologun Shi Yigong, kanë marrë këtë çmim deri tani. (Fatosi)