Foto: Këshilltari i Shtetit dhe ministri i Jashtëm kinez Wang Yi flet në një simpozium virtual për 20-vjetorin e nënshkrimit të Deklaratës për Sjelljen e Palëve në Detin e Kinës Jugore, 25 korrik 2022. /Ministria e Jashtme e Kinës
Këshilltari i Shtetit dhe ministri i Jashtëm kinez Wang Yi u bëri thirrje të hënën vendeve të rajonit që të mbajnë pozicionin e tyre në zgjidhjen e çështjes së Detit të Kinës Jugore.
Në një simpozium virtual për 20-vjetorin e nënshkrimit të Deklaratës për Sjelljen e Palëve në Detin e Kinës Jugore, kryediplomati kinez bëri thirrje për zbatimin me vendosmëri të normave dhe propozimeve të Deklaratës për Sjelljen e Palëve, duke e bërë Detin e Kinës Jugore "një det paqeje, miqësie e bashkëpunimi".
Përfaqësuesit e qeverive të Kinës dhe vendeve anëtare të ASEAN-it e nënshkruan Deklaratën për Sjelljen e Palëve në Detin e Kinës Jugore në kryeqytetin kamboxhian Phnom Pen në vitin 2002. Ai është dokumenti i parë politik ndërmjet Kinës dhe vendeve të ASEAN-it për trajtimin e çështjes së Detit të Kinës Jugore në nivel rajonal.
