Foto nga VCG
Të ardhurat fiskale të Kinës ranë me 10.2 për qind nga viti në vit gjatë gjysmës së parë të vitit, bëhet e ditur në të dhënat e publikuara nga Ministria e Financave, citon “Xinhua”.
Sipas raportit, të ardhurat fiskale të vendit arritën në rreth 10.52 trilionë juanë (rreth 1.6 trilion dollarë amerikanë) gjatë kësaj periudhe.
Duke përjashtuar ndikimin e rimbursimeve të tatimit mbi vlerën e shtuar, të ardhurat fiskale u rritën me 3.3 për qind nga një vit më parë.
Qeveria qendrore dhe qeveritë lokale mblodhën rreth 4.77 trilionë juanë dhe gati 5.76 trilionë juanë të ardhura fiskale, përkatësisht 12.7 për qind dhe 7.9 për qind më pak.
Të ardhurat nga taksat arritën në rreth 8.56 trilionë juanë në periudhën janar-qershor, me një rënie prej 14.8 për qind nga viti në vit.
Sipas ministrisë, shpenzimet fiskale u rritën 5.9 për qind nga viti në vit në 12.89 trilionë juanë në gjysmën e parë. (Irma)
