VCG
Me hyrjen në fuqi të një plani rregullash, autoritetet kineze kanë shtuar përpjekjet për të menaxhuar rritjen shpërthyese në tregun e cigareve elektronike, bën të ditur “Xinhua”.
Administrata Shtetërore e Monopolit të Duhanit të Kinës nxori një rregullore në mars, duke thënë se vendi do të zbatojë menaxhimin e licencave për prodhimin e cigareve elektronike, subjektet me shumicë dhe pakicë duke filluar nga 1 maji.
Sipas rregullores, do të kryhet menaxhimi i kanaleve të shitjes për cigaret elektronike, ndërsa do të krijohet një platformë e menaxhimit të tregtimit të cigareve elektronike për standardizimin e shitjeve. Pikat e shitjes së cigareve elektronike nuk duhet të vendosen pranë shkollave dhe cigaret elektronike me shije do të ndalohen.
Statistikat nga Organizata Botërore e Shëndetësisë treguan se ka më shumë se 300 milionë duhanpirës në Kinë, gati një e treta e totalit në botë. Më shumë se gjysma e meshkujve të rritur në vend janë duhanpirës. Përveç kësaj, mbi 700 milionë joduhanpirës në Kinë, duke përfshirë rreth 180 milionë fëmijë, janë të ekspozuar ndaj tymit pasiv të paktën një herë në ditë në një javë të zakonshme.
