Foto: Numri i aplikimeve për patenta evropiane nga kompanitë kineze arriti një rekord të ri prej 16 665 vjet, 24 për qind më shumë se në vitin 2020. /CFP
Aplikimet për patenta evropiane nga kompanitë kineze arritën një numër rekord prej 16 665 në vitin 2021, bëri të ditur të martën Zyra Evropiane e Patentave (EPO) me qendër në Mynih.
EPO regjistroi 188 600 aplikime për patenta nga e gjithë bota vitin e kaluar, 4.5 për qind më shumë se në vitin 2020. Kompanitë kineze shënuan nivelin më të lartë të rritjes prej 24 për qind ndërmjet 30 vendeve kryesore aplikuese për patenta.
"Gjatë 10 vjetëve të fundit në EPO, ne kemi parë se numri i aplikimeve për patenta nga kompanitë kineze është rritur katërfish deri në vitin 2021," tha Aidan Kendrick, kryeanalist i biznesit në EPO.
“Në vitin 2021, rritja ishte rreth 24 për qind, çka përfaqëson një zhvillim jashtëzakonisht dinamik,” shtoi si.
Numri më i madh i aplikimeve ishte në komunikacionin digjital, ku kompanitë kineze janë tashmë aplikueset më të mëdha për patenta, duke zënë 29 për qind vitin e kaluar.
Gjigandi kinez i teknologjisë “Huawei” ka paraqitur më shumë aplikime se çdo kompani tjetër për patenta vjet, 3 544 të tilla, duke u renditur përpara kompanive koreanojugore “Samsung” dhe LG.
Për herë të parë, gjashtë kompanitë kryesore kineze të teknologjisë, duke përfshirë “Oppo”, ZTE, “Baidu”, “Xiaomi” dhe “Tencent”, u renditën në mesin e 50 aplikuesve më të mëdhenj për patenta evropiane.
Në fusha të tjera, si bioteknologjia dhe teknologjia audio-vizuale, aplikimet nga kompanitë kineze u rritën deri në 75 për qind.
