Foto: VCG
Lojërat Olimpike Dimërore të Pekinit janë të paprecedenta për sa i përket aplikimit të shkencës dhe teknologjisë, me shpresën se këto mjete do të përdoren gjerësisht në të gjithë botën, siç dhe theksoi Thomas Bach, presidenti i Komitetit Olimpik Ndërkombëtare, për mediet botërore në një kabinë të “Alibaba Cloud ME”.
Kabina, një teknologji novatore e bazuar në “cloud” që përdor realitetin “true-to-life”, është e disponueshme si brenda dhe jashtë qarkut të mbyllur të selisë zyrtare të Pekin 2022, duke u mundësuar pjesëmarrësve dhe spektatorëve të testojnë ndërveprimet sociale në realitet të përzier, përcjell “Xinhua”.
Falë disponueshmërisë së lartë dhe veçorive të konkurrencës së lartë të “Alibaba Cloud”, regjistrimi i drejtpërdrejtë mund të projektohet në një ekran 4K me definicion të lartë në distancë. Kjo gjeneron një efekt hologrami “true-to-life” që riprodhon të gjitha detajet në HD, të tilla si shprehitë e vogla të fytyrës dhe përbërjen e veshjeve, të cilat janë thelbësore për ndërveprim të drejtpërdrejtë.
Që nga ceremonia e inaugurimit të së premtes së Lojërave Olimpike Dimërore të Pekinit, lloje të ndryshme të teknologjive të reja janë përdorur dhe admiruar.
“Vendosëm rreth dy vjet më parë që në vend që të mbështetemi në praninë e shumë njerëzve, do të mbështeteshim më shumë në teknologjitë moderne digjitale dhe ndërveprimin e tyre me performuesit”, -shpjegoi Chang Yu, drejtor i departamentit të ceremonive të hapjes dhe mbylljes së komitetit organizativ të Pekin 2022.
Foto: VCG
Në kontekstin e 5G dhe inteligjencës artificiale, stadiumi kombëtar, i njohur edhe si “Foleja e Zogut”, ka pësuar një konvertim “smart” për të pritur ceremonitë e hapjes dhe mbylljes së Pekin 2022. Për shembull, teknologjia digjitale u përdor në funksionimin e pajisjeve, menaxhimin e energjisë dhe kontrollin e cilësisë së mjedisit, duke siguruar kushte të favorshme për ceremoninë.
Si një alternativë ndaj projeksioneve tradicionale, e gjithë dyshemeja e stadiumit është e pajisur me teknologji LED me definicion të lartë, me një cilësi imazhi 16K, sipas Wang Zhi'ou, drejtor i efekteve vizuale. Ndërkohë, publiku mundi të përjetonte aplikimin e plotë të IA, AR, 3D pa xham dhe teknologji të tjera.
Lëvizjet e pjesëmarrësve mund të kapen në kohë reale përmes ekraneve në dysheme, në mënyrë që të realizohet ndërveprimi mes interpretuesit dhe ekraneve, deklaroi Zhang Yimou, shefi përgjegjës për ceremoninë.
Përveç kësaj, teknologji të ndryshme të fundit janë aplikuar në ambiente dhe evente. Për herë të parë në historinë e Lojërave Olimpike, ftohësit me dyoksid karboni u prezantuan për të krijuar akull super të shpejtë; Pajisjet e radarit dhe stacionet e monitorimit të motit u instaluan në dy zonat malore të Yanqing dhe Zhangjiakou, duke formuar një rrjet të krijuar për të ofruar parashikime të sakta të motit në minutë dhe brenda 100 metrave; shërbimi i transmetimit olimpik bazohet në 5G.
