Kina është aktualisht partneri më i rëndësishëm tregtar për portin e Hamburgut, shkruan “Xinhua”. Kjo u deklarua nga kompania e menaxhimit të portit gjerman me rastin e edicionit të tretë të “China International Import Expo”, në Shangai.

Pjesëmarrja për herë të tretë në panairin tregtar kinez përmes Portit të Hamburgut përqendrohet në forcën globale të demonstruar në transportin detar, transportin hekurudhor, menaxhimin e stacioneve, shërbimet e kontenierëve dhe logjistikës.

Vitin e kaluar, porti gjerman, porti më i madh tregtar midis Kinës dhe Evropës, regjistroi një rritje prej 1.1% të fluksit të mallrave nga deti, duke arritur afërsisht 136.6 milionë tonë. Vëllimi i kontenierëve të trajtuar arriti në 9.3 milionë njësi, me 6.1% rritje me bazë vjetore, ndërsa transporti hekurudhor u rrit me 10.4%. (Irma)