Virusi mund të godasë më ashpër këtë dimër

Specialistët e shëndetit thanë se koronavirusi mund të shpërthejë më egër në dimër dhe se një rikthim në jetën normale është ende larg.

Koronavirusi i llojit të ri që ka përfshirë të gjithë botën mund të godasë më ashpër këtë dimër, duke zvogëluar perspektivën për një kthim në një jetë normale dhe duke nënvizuar nevojën për t'u kujdesur për një luftë të zgjatur kundër sëmundjes, thanë ekspertët.

Megjithë rrezikun e rritur, situata epidemike që përfshiu provincën Hubei në fillim të këtij viti nuk do të përsëritet në Kinë, pasi vendi ka vërtetuar se shpërthimet rajonale mund të shtypen me masa të shpejta dhe kontroll të shënjestruara- një përvojë që vendet e tjera të botës mund të marrin nga Kina.

Pandemia është duke u përkeqësuar globalisht me një rekord të lartë ditor, ku vetëm të dielën u raportuan mbi 230 mijë raste të reja, sipas Organizatës Botërore të Shëndetësisë.

Wu Zunyou, kryeepidemiolog në Qendrën Kineze për Kontrollin dhe Parandalimin e Sëmundjeve, tha se virusi është përhapur me shpejtësi në të gjithë botën që nga muaji mars dhe rastet e reja në Shtetet e Bashkuara, Brazil, Indi dhe Afrikën e Jugut zunë më shumë se gjysmën e totalit të ri rasteve.

"Analiza fillestare tregon se pandemia virale do të ruajë një nivel të lartë të prevalencës në të ardhmen e afërt dhe do të përkeqësohet gjatë dimrit të ardhshëm," tha ai gjatë një forumi online të mbajtur nga revista “Caixin”mbrëmjen e së dielës.

Kina është nën presion të dyfishtë për të përballuar shpërthime të papritura që burojnë nga burime të paidentifikuara, siç është ai i fundit i lidhur me një treg të madh me shumicë në Pekin, si dhe grupime të infeksionit të sjella nga raste të importuara, siç shihet në disa qytete në provincat verilindore në muajt e fundit, tha Wu.

Përhapja në Pekin që u zbulua më 11 qershor, është vënë nën kontroll të plotë pa asnjë rast të ri për tetë ditë që nga e hëna. Të hënën, vetëm tre raste të reja të importuara u shtuan në shkallë vendi dhe numri i pacientëve në trajtim kishte rënë në 297, sipas të dhënave nga Komisioni Kombëtar i Shëndetësisë.

Wu tha se shtypja e shpejtë e virusit në kryeqytet ka rritur besimin e Kinës për të shmangur një valë tjetër infektimi aq të rëndë sa shpërthimi në kryeqendrën e Hubeit, Wuhan - qyteti më i goditur në vend - megjithë presionin në rritje të sjellë nga më shumë fluturime ndërkombëtare.

"Veprimet e Pekinit shërbejnë si një shembull për pjesën tjetër të Kinës dhe mund të jenë një referencë për botën. Çelësi është zbulimi i shpejtë, masa serioze të kontrollit dhe testime masive," tha ai.

Chen Zhengming, një profesor i epidemiologjisë në Universitetin e Oksfordit gjithashtu paralajmëroi se virusi nuk ka gjasa të zhduket dhe bota është futur në një betejë të gjatë kundër sëmundjes.

"Numri i infeksioneve në të gjithë botën ka arritur në 12.6 milionë, numër ky që mund të jetë më i ulët se realiteti për shkak të testimit të kufizuar në disa rajone dhe ekzistencës së bartësve asimptomatikë të pazbuluar," tha ai.

"Ne kemi paguar një çmim të lartë për ndryshimin e jetës tonë dhe zbatimin e karantinës, por disa vende kanë parë një rigjallërim të virusit pas hapjes, të tilla si Japonia, Mbretëria e Bashkuar dhe Izraeli," tha ai, duke shtuar se "kjo vjeshtë dhe dimër do të jetë një provë thelbësore".

"Kina na ka treguar që sëmundja është e kontrollueshme," tha ai.

"Si të parandalojmë që rastet sporadike të mos spiralizojnë jashtë kontrollit? Vende të tjera mund të marrin mësime të vlefshme në këtë aspekt nga Pekini," tha Chen.

Megjithatë, edhe në Kinë, një rikthim i plotë në jetën normale në mes të pandemisë është pothuajse i pamundur për shkak të infeksioneve të reja sporadike, thanë ekspertët.

Të hënën, Drejtori i Përgjithshëm i OBSh-së, Tedros Adhanom Ghebreyesus tha në një konferencë shtypi se "nuk do të ketë rikthim në normalen e vjetër në të ardhmen e afërt" pasi virusi është ende duke përhapur në shumicën e vendeve dhe mbetet "armiku publik Nr. 1".

Zeng Guang, epidemiolog kryesor në CDC kineze, shtoi se normalja e ri u kërkon autoriteteve të vendosin politikat e kontrollit të sëmundjes dhe një rregullim të imët për të minimizuar ndikimin në rifillimin e punës.

"Për shembull, gjatë shpërthimit të fundit, Pekini ka vendosur të klasifikojë nivelet e rrezikut të epidemisë nga njësia e lagjes për të ngushtuar zonat e prekura. Nevojiten më shumë përpjekje për të gjetur strategji të tilla të rafinuara," tha ai.

Xue Lan, dekani i Kolegjit Schwarzman të Universitetit Tsinghua, tha se njerëzit bashkëjetojnë me shumë sëmundje ngjitëse dhe rreziku i koronavirusit novel mund të mbahet në një nivel të pranueshëm, por jo të fshihet plotësisht.