Njerëzit në Kinë flenë 2 orë më vonë në kohën e pandemisë, pavarësisht se shpenzuan më shumë kohë në shtëpi për një kohë më të gjatë gjatë pandemisë, sipas raportit nga “CCTV News”, që citon një sondazh nga Shoqata Kineze e Studimit të Gjumit.

Ky sondazh tregon se mbi 300 milionë njerëz në Kinë kanë çrregullime me gjumin. Mbi tre të katërtat e të anketuarve thanë se shkojnë të flenë pas orës 23:00, dhe afro një e treta pohoi se fle rreth orës 01:00 të natës. Kërkimet në internet për çrregullime të gjumit u shtuan me 43% në vitin 2020.

Ky raport u bë një hit në rrjetet shoqërore kineze, me temat përkatëse që morën mbi 110 mijë komentet në Weibo, (twitter i Kinës), deri në mesditën e së hënës.

"Për mua, thjesht nuk dua të fle kur jam i përgjumur, meqenëse vetëm koha e natës më përket mua," shkruan një përdorues i Weibo-së. "Unë nuk dua ta humbas kohën duke fjetur." Ky postim mori mbi 15 mijë pëlqime.

"Për rrogëtarë të lodhshëm, disa s'mund të flenë 8 orë gjumë," shkroi një tjetër përdorues i Weibo-s. Shumë përdorues ia atribuojnë pagjumësinë presionit të madh shoqëror. "Ankthi shndërrohet në pagjumësi," shkruan një tjetër komentues. "Ka shumë stres sot. Unë fle lehtë dhe zgjohem lehtë," shkruan një tjetër.

Klasifikimi Ndërkombëtar i Çrregullimeve të Gjumit(ICSD) liston mbi 80 çrregullime të gjumit në 8 kategori kryesore.

Wang Jian, drejtuesi i Departmentit të Psikologjisë (Klinika e Ilaçeve të Gjumit) në Spitalin Guang'anmen të Akademisë së Kinës mbi Shkencat e Mjekësisë Kineze, i tha “CCTV News”-it se ekzistojnë 3 standarde për të gjykuar çrregullimet e fjetjes.

Standardi i parë është se nevojiten mbi 30 minuta për rënien në gjumë, mbi 30 minuta për fjetjen e përsëritur pas zgjimit, dhe zgjoheni 30 minutat më të herët se zakonisht,

Standardi i dytë është se këto fenomene ndodhën më shumë se 3 ditë brenda një jave.

Standardi i tretë është se këto simptomat ju sjellin ndjenjë parehatie dhe ndikojnë aktivitetet tuaja shoqërore.

Duke folur se sa orë nevojiten për një gjumë të shëndoshë, Wang tha se nuk është e rëndësishme nëse flini 8 orë ose jo, por më e rëndësishme të flini për 4 ose 5 ciklet. Një cikël përfshin gjumin e lehtë, gjumin e thellë dhe lëvizjen e shpejtë të syve para se të zgjoheni duke u ndier të rifreskuar.

Xu Jie, mjeku kryesor në fushën e hulumtimit të gjumit në Spitalin Pekin Gaoxin, tha se nëse keni pagjumësi serioze, duhet të kërkoni ndihmë mjekësore.

"Për njerëzit që vuajnë nga pagjumësia, teknika më efektive është të ruajnë rutinën e rregullt," tha Yin Guoping, zv-shefi i Qendrës së Ilaçeve të Gjumit në Spitalin Changgeng të Tsinghua-së së Pekinit, duke shtuar se "nëse dëshironi të flini shumë shpejt, duhet të mësoheni më parë të relaksoheni para se të provoni ndonjë mjet të ndihmës mjekësore."

"Nëse kategorizoheni në pagjumësi patologjike, atëherë duhet të merrni ndihmën e mjekut."

Në vijim specialistët japin disa sugjerime për të përmirësuar cilësinë e gjumit.

1. Përgatitet mjedisi i mirë i gjumit: mos flini në një ambjent me shumë dritë, është mirë që në dhomën e gjumit të mbizotërojë qetësia dhe errësira. Rregulloni temperaturën dhe lagështinë e dhomës së gjumit, për të siguruar një mjedis të përshtatshëm të gjumit.

2. Pakësoni përdorimin e produkteve elektronike para gjumit: arsyeja kryesore e pagjumësisë së shumë personave vjen nga aktivitetet e papërshtatshme në kohën e duhur për gjumin, si përdorimi i produkteve elektronike, shikimi i programeve të ngacmueshme televizive për një kohë të gjatë. Këto veprimtari duhet të shmangen në kohën para gjumit.

3. Frymëmarrja e thellë para gjumit: është më e mirë që të rregulloni frekuencën e frymëmarrjes në 6-10 herë në minutë. Konsumimi i vitaminës B mund të ndihmojë relaksimin e nervave. Përveç kësaj, veprimtaritë e lehtësimit dhe meditimi të paktën 15 minuta mund t’ju ndihmojë të bini në gjumë më shpejt. (Xu Guang)