Si të menaxhojmë luhatjet e humorit?

Thyejmë filxhanin kur jemi me nerva, humbasim vetëkontrollin kur jemi të shqetësuar, hamë pa kriter kur jemi në depresion.....A ju kanë ndodhur ndonjëherë këto reagime në mënyrë të pavetëdijshëm? A doni që të keni qëndrueshmëri emocionale? Ja si ta arrini.

Çdo person duhet të përballojë shqetësimin, zemërimin, depresionin dhe emocione të tjera negative. Disa prej nesh mund ta menaxhojnë lehtë humorin e tyre, por disa të tjerë zhyten në një gjendje jo të mirë për një kohë të gjatë dhe bëjnë veprime të paarsyeshme, pas të cilave pendohen dhe bëjnë autokritikë. Në fakt, menaxhimi i humorit nga vetë individi është një aftësi që mund të forcohet me anë të stërvitjes.

Vëzhgimi i humorit është A-ja e menaxhmit të humorit

A arrini të kujtoni se çfarë bëni kur nevrikoseni apo zemëroheni? A e ngrini zërin? A e shfaqni zemërimin tuaj? Këto janë veprimet që shfaqin humorin tuaj.

Në përgjithësi, përvoja emocionale përfshin 3 pjesë: 1.ndjeshmëria trupore (çfarë ndiej?); 2. Njohja (çfarë po mendoj?); 3. Veprimi (çfarë po bëj?). Zakonisht mund të zbulojmë çfarë po bëjmë: si përplasja në tokë e një filxhani, kullufitja pa vetëdije e patateve të skuqura etj, por e kemi të vështirë të vëzhgojmë ndjeshmërinë trupore dhe idenë tonë kur na kap ndonjë ndjenjë e fortë. Vëzhgimi i humorit është një aftësi që mund të përshkruajë gjendjen emocionale tonën ose të të tjerëve.

Çdo person ka aftësi të ndryshme të vëzhgimit të humorit, që ndikon tek potenciali i tij i menaxhimit dhe përballimit të humorit. Kur jemi në depresion disa mund të thonë: "jam keq, kam shumë parehati, jam gjithë kohën i shqetësuar"; por disa persona mund të përshkruajnë më saktësisht gjendjen e tyre emocionale: "në fillim, pata shqetësime të mëdha; më vonë, nisa autokritikë dhe më erdhi keq për paaftësinë e trajtimit të çështjeve". Personat që bëjnë përshkrimin e dytë, kanë aftësi më të mirë të vëzhgimit të humorit, ata mund të shpëtohen më shpejt nga kontrolli i humorit dhe të trajtojnë në mënyrë më të mirë humorin negativ.

Përshkrimi i saktë i ndjenjave tona është një metodë për forcimin e aftësisë së vëzhgimit të humorit, që mund t'na ndihmojë jo vetëm për fokusimin e kujdesit, por edhe për dëshminë më të qartë të ndryshimeve emocionale. Kur përballoni emocione të forta negative, mund t'i përshkruani këto emocione si: mërzitje, zemërim, pikëllim, lodhje etj, të cilat mund të lehtësojnë ndikimin e këtyre emocioneve.

Ndaloni për pak para se të veproni

Zbulimi i humorit është hapi i parë i menaxhimit të tij. Në shumë situata, na mërzisin jo vetëm emocionet negative, por edhe reagimet e papërshtatshme të sjellë nga to. Pasi analizojnë situatën me gjakftohtësi, shumica e njerëzve ndiejnë keqardhje për veprimet e tyre të papërshtatshme, por në momentin e nevrikosjes, s'mund të kontrollojnë sjelljen e tyre.

Përplasja e filxhanit në tokë kur jemi me nerva, humbja e vetëkontrollit gjatë shqetësimeve, ngrënia e tepërt e ushqimeve gjatë depresionit... këto reagime janë modele të reagimeve automatike të formuara nga përvoja e kaluar për një kohë të gjatë. Prandaj, mund të kemi reagime të shpejta automatike përballë stimulimeve të ngjashme nga qarqet e jashtme, por këto reagime të papërshtatshme nuk mund të zgjidhin problemet tona. Në fakt, mes stimulimeve të jashtme dhe reagimeve tona, ekziston liria e zgjedhjes. Nëse mund të vëzhgojmë më qartësisht proceset e emocioneve të ndryshme negative, do të kemi shanse të ndryshimit të modeleve të reagimit të kaluar.

3 minutat e frymëmarrjes

Sipas studimeve përkatëse, stërvitja e vëtëdijshmërisë mund të forcojë aftësinë e vëzhgimit dhe aftësinë e heqjes së reagimeve automatike ndaj stimulimeve të jashtme. Teknika "3 minuta frymëmarrje" është metoda më e zakonshme, që mund t'na ndihmojë që të transferojmë në modelin e ekzistencës nga modeli i veprimeve, duke filluar trajtimin e sfidave dhe të emocioneve të ndryshme. Ja si ta bëni:

1. Zgjidhni një pozicion të rehatshëm në natyrë dhe qëndroni në këmbë, me shpinën e drejtë dhe të relaksuar.

2. Filloni procesin e vëzhgimit: nëse jeni gati, mund të mbyllni sytë. Tani, filloni të vëzhgoni përvojën tuaj. Çfarë përvoja keni tani? Çfarë mendimesh po ju vijnë në kokë? Mos i kushtoni shumë rëndësi këtyre mendimeve, ato janë thjesht mendime që vijnë nga veprimtaria psikologjike. Mund të vëzhgoni si është humori juaj në ato momente? Bëhuni të vetëdijshëm për përvojë emocionale dhe i thoni vetes, "kjo është përvoja ime emocionale tani". Mund të kuptoni në mënyrë të thjeshtë përvojën trupore dhe i thoni vetes, "Po, kjo është vetëm përvoja trupore e tanishme."

3. Fokusi: fokusojeni ngadalë vëmendjen tuaj tek frymëmarrja. Vëzhgoni në të vërtetë çdo frymëmarrje dhe kohën e pushimit mes çdo frymëmarrje, vëzhgoni si ajri hyn e del nga hunda ose lëvizjen e barkut gjatë frymëmarrjes, e cila vjen në mënyrë të pavetëdishme. Vëzhgoni këtë moment aktual duke marrë frymë.

4. Zgjerimi: mund të zgjeroni ngadalësisht përvojën tuaj të vëzhguar nga frymëmarrja. Gjatë vëzhgimit të frymëmarrjes, mund të vëzhgoni trupin tuaj si një tërësi, të vëzhgoni përvojën trupore, qëndrimin tuaj dhe shprehitë e fytyrës. Mund të zbuloni se oksigjeni po qarkullon më mirë në trupin tuaj.

Kjo metodë e stërvitjes mund të kryhet në çdo kohë dhe vend. Në fillim, mund të bëni këtë stërvitje në një orë të përcaktuar të ditës, më pas e bëni 3 herë në ditë. Pasi ta keni përvetësuar plotësisht këtë metodë e zhvilloni atë në orë dhe vend të ndryshëm.

Kur ju kapin emocionet negative, ndjesi jo e mirë në trup dhe ndjenjë e lartë stresi, bëni këtë stërvitje për t'u relaksuar. (Xu Guang)