Xiaomi zbuloi këtë shtator syzet e zgjuara të quajtura Xiaomi Smart Glasses. Ato kanë më shumë veçori sesa Ray-Bans të Facebook.
Një zëdhënës i kompanisë thotë se ende nuk ka një plan për lancimin e tyre, megjithatë Xiaomi ka dhënë detaje të mjaftueshme për ta bërë produktin e konceptit të duket disi i mundshëm – të paktën në një moment në të ardhmen.
Syzet e Xiaomi kanë një formë relativisht të zakonshme, por ndryshe nga syzet e sapo shpallura të Facebook, ato në fakt kanë një ekran që mund të përdoret për funksionet AR.
Xiaomi thotë se sistemi njëngjyrësh MicroLED u përdor për shkak të “dendësisë më të madhe të pikselave dhe jetëgjatësisë më të madhe, ndërsa kishte një strukturë më të thjeshtë” në krahasim me OLED.
MicroLED është një teknologji e transmetimit të ekranit që konsiderohet pasardhësi natyror i OLED.
Sidoqoftë, është akoma shumë e shtrenjtë dhe ende nuk është aplikuar në më shumë se disa produkte komerciale.
Sipas Xiaomi, MicroLED “mundëson një ekran më kompakt, si dhe integrim më të lehtë të ekranit”.
Syzet janë një pajisje e pavarur Android që nuk kërkon lidhje të përhershme me telefonin.
Xiaomi sugjeron që një ditë ata madje mund të zëvendësojnë telefonin tuaj.
