Pas vizitës në shtetet amerikane të Illinois, Iowa dhe Minesota nga 19 deri më 25 prill, ambasadori kinez në Shtetet e Bashkuara Qin Gang tha se ndihej i sigurt për të ardhmen e marëdhënieve Kinë-SHBA.
"Unë largohem me zemrën time të mbushur me miqësi dhe bashkëpunim dhe, më e rëndësishmja, me besim në të ardhmen e marrëdhënieve Kinë-SHBA," shkroi Qin Gang në një artikull të botuar nga “The Des Moines Register”, një gazetë e shtetit Iowa-s.
Historitë e bashkëpunimit fitimprurës dhe të miqësisë së kaluar nëpër breza, cilësitë e përbashkëta të kinezëve dhe amerikanëve dhe respekti dhe vlerësimi i të rinjve për vendin e njëri-tjetrit dhe kulturën e tij e kishin prekur ambasadorin Qin gjatë vizitave.
Në fermën e familjes Kimberley në Maxwell, të Iowa-s, Qin dha kontribut në promovimin e viçit dhe proshutës amerikane në një transmetim të drejtpërdrejtë, duke drejtuar vetë një traktor. Ferma Kimberley priti presidentin Xi Jinping gjatë vizitës së tij në SHBA në vitin 2012, kur ai ishte zëvendëspresident.
Në fabrikën Zoetis Inc në Charles City, ambasadori Qin mësoi se shumica e produkteve të vaksinave të kafshëve eksportohen në tregun kinez.
VCG
Në fabrikën e përpunimit Smithfield në Denison, po në shtetin Iowa, ambasadori Qin dhe ekipi i tij hëngrën drekë me punëtorët. Atyre iu tha se prodhuesi më i madh në botë i mishit të derrit ka krijuar mijëra vende të tjera pune në SHBA që nga blerja e tij nga një kompani kineze.
Ambasadori Qin tha se udhëtimi i kishte ofruar delegacionit kinez një pamje panoramike të të gjithë zinxhirit industrial të bujqësisë amerikane, nga e cila ata mund të shohin se fermerët dhe kompanitë bujqësore amerikane kanë nevojë për Kinën, përfitojnë nga Kina dhe presin bashkëpunim të mëtejshëm me Kinën.
VCG
"Kina dhe Shtetet e Bashkuara janë partnerë natyrorë për tregtinë bujqësore. Me tregun kinez të hapur, të dy palët kanë hapësirë të gjerë për bashkëpunim të mëtejshëm bujqësor dhe kjo është një thirrje për veprim për të krijuar kushte për tregti të dyanshme, normale bujqësore si dhe për heqjen e tarifave shtesë dhe pengesave të tjera”, ka shkruar ambasadori kinez në SHBA në artikullin e botuar në gazetën e shtetit Iowa.
"Përveç kësaj, bashkëpunimi ynë nuk duhet të jetë vetëm për "blerje dhe shitje"; ai mund të shkojë thellë në teknologjinë bujqësore, veprimin klimatik dhe zhvillimin e qëndrueshëm. Lidhjet ekonomike dhe tregtare, veçanërisht ato në bujqësi, janë një bazë e qëndrueshme në shkëmbimet Kinë-SHBA. Marrëdhëniet, dhe komuniteti amerikan i biznesit dhe fermerët janë shtylla kurrizore e një marrëdhënieje të qëndrueshme Kinë-SHBA. Ky udhëtim më ka thelluar besimin në këtë fakt themelor.", theksohet më tej në artikull.
Ambasadori Qin dhe ekipi i tij vizituan Shtëpinë e Miqësisë Kinë
VCG
-SHBA në Muscatine, ku presidenti Xi qëndroi gjatë vizitës së tij në Iowa në vitin 1985.
Ata u takuan me miqtë e vjetër Sarah Lande dhe Luca Berrone, të cilët e kishin mirëpritur Xi-n dy herë, dhe morën pjesë në ceremoninë e nënshkrimit për ndërmarrjet kineze, duke marrë pjesë në një program për të sponsorizuar studentët e Iowa-s që duan të studiojnë në Kinë.
"Ne mund të themi se farat e miqësisë së parë të mbjella nga Presidenti Xi kanë zënë rrënjë, kanë mbirë, kanë lulëzuar dhe kanë dhënë fryte në Iowa. Mund të shohim gjithashtu nga kjo përvojë se lidhja midis Kinës dhe Shteteve të Bashkuara është e pathyeshme dhe një lidhje e tillë është krijuar nga të gjithë ata njerëz që mbrojnë kauzën e miqësisë dhe bashkëpunimit Kinë-SHBA", përfundon artikulli që mban firmën e ambasadorit kinez në ShBA Qin Gang në gazetën e shtetit Iowa-s.
Nga XU YIFAN në Washington
VCG
