Takimin e parë gjatë vizitës zyrtare në Shqipëri, ministri i Jashtëm i Kinës, Yang Jiechi, e pati me zëvendëskryeministrin dhe njëherësh ministrin e Jashtëm Edmond Haxhinasto.

Pas takimit të dy ministrat, firmosën "Marrëveshjen e bashkëpunimit në fushën e turizmit".

Ministri i Jashtëm shqiptar, Edmond Haxhinasto, tha se marrëdhënia e shkëlqyer duhet përkthyer në një bashkëpunim të fuqishëm ekonomik. "Kemi identifikuar fushat e bashkëpunimit si energjia, infrastruktura, burimet natyrore dhe turizmi, si edhe kemi identifikuar mekanizmat se si te kemi një bashkëpunim efikas".

"Republika e Shqipërisë e shikon me shumë respekt rritjen ekonomike dhe statusit të Kinës në arenën ndërkombëtare, reformën në Këshillin e Sigurimit, rajonin si edhe për Kosovën. Kemi vendosur që bashkëpunimi të jetë i niveleve më të larta", tha Haxhinasto.

I pyetur nga Agjencia kineze e Lajmeve Xinhua, për heqjen e vizave për shtetasit kinezë, ministri Haxhinasto tha se Shqipëria mbështet lëvizjen e lirë të njerëzve.

"Për momentin kemi thjeshtuar marrjen e vizave nga shtetasit kinezë, jemi në rrugë të mbarë për heqjen e tyre".

Ndërsa ministri i Jashtëm kinez, Yang Jiechi, tha se populli kinez ushqen një ndiejnë miqësore ndaj popullit shqiptar. "Duam një bashkëpunim të ri më Shqipërinë në rrethana të reja. Sot kemi shkëmbyer mendime mi thellimin e bashkëpunimet, si edhe bashkëpunimit në arenën ndërkombëtare. Jam i kënaqur që zoti Haxhinasto ka pranuar ftesën time për të vizituar Kinën, tha ministri Yang.

Ramë dakord të çojmë përpara bashkëpunimin midis dy ministrive të Jashtme, por edhe bashkëpunimin në fushën e kulturës, arsimit dhe turizmit.  

"Pala kineze do të inkurajojë biznesin kinez të investojë në infrastrukturë, burime natyrore dhe energji, por edhe në fusha të tjera. Ramë dakord të çojmë përpara bashkëpunimin midis dy ministrive të Jashtme, por edhe bashkëpunimin në fushën e kulturës, arsimit dhe turizmit.

Ministri Yang, përshëndeti zhvillimin ekonomik dhe shoqëror të Shqipërisë. "Mbështesim integrimin e Shqipërisë në BE. Vlerësojmë rolin e Shqipërisë në misionet ndërkombëtare dhe për ruajtjen e pas në rajon", përfundoi ministri.

Takimet e shefit të diplomacisë kineze do të vazhdojnë ditën e dytë të qëndrimit në Shqipëri.