Por a festojnë kinezët në ndërrimin e viteve?
Shumë bare dhe restorante në Pekin organizojnë evenimente me rastin e Viti të Ri. Në zona e artit 798 festohen party ku mblidhen të huaj dhe vendas. Për të tjerët që preferojnë diçka ndryshe, është restoranti Migas. Zona e bareve në Pekin, Sanlitun,gjithashtu ofron një sërë ambjentesh për këtë rast ku shumë miq mblidhen për të pritur së bashku vitin e ri. Kjo natë në Pekin festohet kryesisht nga të huajt që punojnë e jetojnë në Pekin. Në një intervistë që patëm me Dominic nga Britania ai na shpjegoi pikëpamjet e tij lidhur me celebrimin e kësaj feste në Pekin.
"Në fakt festat e fundvitit në Kinë nuk festohen si në pjesët e tjera të botës, por përsëri këtu sheh zbukurime dhe simbole në të gjitha vendet në dyqane të ndryshme shihen "Babagjyshët e Vitit të Ri", dhurata, pemë të Vitit të Ri etj, megjithëse Viti i Ri nuk është festë zyrtare në Kinë. Kinezët kanë Vitin e tyre të Ri, ku festojnë me shfaqje madhështore fishekjarresh e me ushqimet dhe traditat e tyre. Megjithatë ekzistojnë pushime rreth kësaj kohe, pra ka kohë për festime, megjithëse kjo festë është perëndimore. Përsa i përket të huajve që jetojnë e punojnë në Pekin gjenden pak në dilemë për mënyrën e festimit të kësaj feste këtu në Pekin. Për ta kjo është festa më e rëndësishme e të gjithë vitit dhe ata mundohen t'ja kalojnë sa më mirë me miqtë e tyre në ambjentet ku festohet kjo festë. Në zonën ku unë jetoj ka disa bare dhe restorante të vogla, megjithëse ende jam në dilemë për festimin e kësaj feste.