Permiresim ne tregun e pasurive te paluajtshme
Meqënëse tregu i pasurive të paluajtshme në Guangzhou ka pësuar një përmirësim, tregtarët në këtë fushë kanë nisur nxitjen e shitjeve. Në javën e parë të korrikut 10 sheshe e banesa fituan lejen e shitjes dhe në 6 muajt e ardhshëm, pritet të ketë 141 të tilla në Guangzhou.
Sipas statistikave, në 6 muajt e parë të këtij viti, numri i nënshkrimit të kontratave të blerjes së shtëpive kapi shifrën e afro 38 mijë, duke u shtuar 1.45% në krahasim me të njëjtën periudhë të vitit të kaluar. Çmimi mesatar arriti në11 mijë e 777 juanë për metër katror, duke u rritur 4.61%.
Me ndikimin e përmirësimit në tregun e pasurive të paluajtshme, shumë persona kanë nisur të shqetësohen për një rritje të cmimit si pasojë e rritjes së kërkesës, për këtë ata nisën të blejnë shtëpi. Sipas një raporti, treguesi i besueshmërisë tek personat që blenë shtëpi në 3 mujorin e dytë të këtij viti ishte 55.5%, shumë pranë treguesit në 3 mujorin e parë të vitit 2011, që ishte një periudhë e lulëzuar në tregun e pasurive të paluajtshme.
Por, ekspertët e këtij sektori në Guangzhou u shprehën se "stabiliteti" është fokusi për zhvillimin e tregut të pasurive të paluajtshme. (Çang Çuo/Albana)