Trupat mbrojtëse revolucionare islamike të Iranit zhvilluan të shtunën një tjetër stërvitje ushtarake në zonën detare afër ngushticës së Hormuzit. Ministri iranian i Naftës, Rostam Qasemi i bëri thirrje BE-së që ta rishikojë vendimin e embargos së naftës iraniane. Ndërkohë ai lajmëroi se do të ndërpritet furnizimi me naftë për disa vende europiane.

Sanksionet e BE-së dhe vendeve të tjera perëndimore ndërmerren për të ndaluar Iranin të vazhdojë programin e pasurimit të uraniumit. Por edhe pas presionit të komunitetit ndërkombëtar, lideri suprem i Iranit, Ayatollahu Ali Khamenei, u shpreh i vendosur për të vazhduar programin bërthamor.

Në fund të janarit, liderët e BE-së miratuan vendimin e marrë nga takimi i ministrave të Jashtëm të vendeve anëtare mbi sanksionet ndaj Iranit, duke vendosur embargo ndaj naftës dhe bllokimin e transaksioneve të Bankës Qendrore. (Vera/Leftion Peristeri)

 

LINK:

Irani:Ndëshkim vendeve që kërcënojnë me luftë
Obama: Izraeli nuk ka vendosur ta godasë Iranin
Irani do të ndërpresë furnizimin me naftë ndaj disa vendeve të BE-së
Khamenei: Goditja ushtarake do ta dëmtojë SHBA-në
Irani shpreson rifillimin e shpejtë të bisedimeve bërthamore
Përparime për programin bërthamor të Iranit