4. "Kam lindur në një familje ujgure me shumë fëmijë. Im atë më dha te një familje hane, por unë kurrë nuk i kam mbajtur atij mëri për këtë gjë, përkundrazi, gjithmonë kam dashur t'i takoj prindërit e mi biologjikë. Mua më pëlqen të këndoj dhe dua të përmirësoj lidhjet hane-ujgure nëpërmjet këngës." Hong Qi, 41 vjeç, këngëtar.
5. "Neve na pëlqen të flasim në gjuhën mandarine me shokët e klasës. Problemi më i madh për ne tani është punësimi, sepse shumë kompani nuk na pranojnë. Ne përpiqemi me tërë mënyrat t'i bëjmë të tjerët të na kuptojnë. Të gjitha rrugët të çojnë në Romë, prandaj unë besoj se mund ta realizoj ëndrrën time në mënyra të ndryshme." Adili, 24 vjeç, majtas, dhe shoku i tij i klasës, të diplomuar në Universitetin e Komunikimit të Kinës në Pekin.
6. "Stërgjyshi im erdhi në Shangai për biznes në vitin 1920 dhe gjithë familja filloi të vendoset atje në vitin 1953. Gjyshja ime mund ta flasë shumë mirë gjuhën mandarine. Kur e pyesin 'Nga je?', vajza ime përgjigjet: 'Unë jam shangaiase, por me etni ujgure.'" Soraya, 34 vjeçe, ujgure, në Shangai.