Më 2 prill kryetari i shtetit i Kinës Xi Jinping mbaroi vizitën e tij në Evropë. Gjatë këtij turneu 11 ditor, Xi Jinping mori pjesë në Samitin e tretë të sigurisë bërthamore, të zhvilluar në Hagë, kreu vizita shtetërore në Holandë, Francë, Gjermani dhe Belgjikë si dhe vizitoi selinë e UNESKO-s dhe të BE-së. Mediat komentojnë se në sajë të kësaj vizite, Evropa po ndryshon njohjen për Kinën dhe ky rezultat do të ushtrojë ndikim në një kohë të gjatë.

Dy binarë paralel të marrëdhënieve kino-evropiane

Gjatë vizitës, krahas ruajtjes së marrëdhënieve tradicionale miqësore me Francën dhe Gjermaninë, Xi vizitoi edhe selinë e BE-së, për herë të parë që një kryetar shteti i Kinës kryen një vizitë të tillë afro 40 vjet pas vendosjes së marrëdhënieve midis Kinës dhe Evropës. Kjo shërben si një sinjal i fortë që Kina i kushton rëndësi BE-së, përkrah integrimin e Evropës dhe përpiqet në thellimin e marrëdhënieve me Evropën.