Në një intervistë për mediet shqiptare ministri i METE-s u shpreh:
"Zhvillimi i projekteve të gazsjellësve është një tjetër objektiv i sektorit shqiptar të energjisë. Në këtë kuadër mund të përmendim projektet që do të lidhin burimet e Kaspikut e Lindjes së Mesme me tregun europian përmes Turqisë, Greqisë, Shqipërisë dhe Italisë. Unë dua të përmend dy projektet më të rëndësishme të gazit për rajonin tonë, projektin e gazsjellësit trans-Adriatik, apo projekti Tap, si dhe projekti tjetër, gazsjellësi Joniano-Adriatik, projekti IAP", tha ministri i METE-s.
Mbi Gazsjellësin Trans Adriatik (TAP)
Gazsjellësi Trans Adriatik është një projekt tubacioni gazi natyror, i cili do të transportojë gaz nga rajoni i Kaspikut nëpërmjet Greqisë dhe Shqipërisë, duke kaluar në detin Adriatik dhe duke përfunduar në jug të Italisë dhe më tej në Evropën Perëndimore. Projekti ka për qëllim rritjen e sigurisë së furnizimit si dhe diversifikimin e furnizimeve me gaz për tregjet evropiane. TAP do të hapë një korridor të ri të ashtuquajtur Korridori Jugor i Gazit në Evropë dhe do të krijojë një treg të ri për gazin natyror nga rajoni i Kaspikut dhe më tej.
Mediat e huaja: Nafta në Shqipëri, një potencial i vërtetë zhvillimi
"Megjithë potencialin e padyshimtë, industria e re e naftës së Shqipërisë është duke u kufizuar nga mungesa e kapitalit vendas dhe paraliza politike të cilat po frenojnë investitorët e huaj dhe rritjen e saj". Kështu nis një analizë e autorit Gergely Nagi, e botuar në disa media të rëndësishme të huaja, mes tyre edhe "EuroAsia Revieu" apo "Transitions Online", kushtuar zhvillimit të naftës në vendin tonë. Ai vlerëson më tej se Shqipëria ka parë një rritje të paparë në sektorin e saj të naftës në vitet e fundit. "Ekspertët thonë se mund të ketë të paktën 10 miliard fuçi nafte të papërpunuar, që do ta bënte Shqipërinë të barabartë me Norvegjinë apo Sudanin në drejtim të rezervave të naftës. Si rezultat, kompanitë e huaja janë hedhur në treg, me shpresën për të qenë një ndër aktorët e parë për të rrëmbyer një vend në tryezën e naftës shqiptare.
Në vitin 2004, një kompani kanadeze shfrytëzoi vetëm 600 fuçi naftë bruto në ditë nga fusha e madhe e Patos-Marinzës në jug të Shqipërisë. Shtatë vjet më vonë, prodhimi i përditshëm kërceu në më shumë se 13.000 fuçi naftë bruto, një rritje e madhe në një periudhë relativisht të shkurtër kohe. Vlerësimet e rezervave të naftës janë gjithashtu në rritje sipas të dhënave të kompanisë", vlerëson artikulli në fjalë.
Industria e naftës dhe eksporti potencial
Artikulli më tej vijon duke pohuar se "industria e naftës është një nga industritë më të vjetra në Shqipëri, qysh në kohët romake, ku bitumi ishte i vendosur kryesisht minuar në këto territore. Eksplorimi i naftës filloi që në vitin 1918, kurse prodhimi i saj filloi në vitin 1929.
Prodhimi i naftës arriti kulmin në vitin 1974, me ton 2.2 m atë vit.
Disa kompani të huaja të tilla si Petroleum, Bankers plus MedOil, Oil & Gas Stream, San Leon Energy dhe Petromanas kanë fituar leje eksploriminë det të hapur, dhe disa prej tyre tashmë veprojnë duke shfrytëzuar naftën e papërpunuar në sasi rritje. Bankers zë pozitën udhëheqëse - është operatori i vetëm i fushës së naftës në Evropë dhe ka për qëllim për të rritur prodhimin në 20.000 fuçi në ditë në këtë fushë në vitet e ardhshme.
