Më 1 prill të vitit 2004, emri në gjuhën angleze "Legend" u ndryshua në "Lenovo". Po në këtë vit Grupi "Lenovo" bleu me 1750 milionë dollarë sektorin e kompjuterave personalë të IBM-së dhe fitoi të drejtën e përdorimit për 5 vjet të markës IBM, duke u bërë grupi i tretë për nga madhësia në botë për prodhimin e kompjuterave personalë.
"Lenovo" është shndërruar tani në një grup të madh të industrisë së informacionit me zhvillim të shumanshëm. Në maj të vitit 2005 ajo realizoi blerjen e sektorit të kompjuterave personalë të IBM-së, gjë që shënoi njëkohësisht edhe ristrukturimin e "Lenovos".
Tani selitë e përgjithshme e Grupit "Lenovo" janë në Pekin dhe në Raleigh të SHBA-së. Me anën e sektorëve të vet të shitjes, partnerëve të biznesit dhe partneritetit me IBM-në, rrjeti i shitjes i "Lenovos" së re është i shpërndarë në mbarë botën. Grupi "Lenovo" ka në gjithë botën gjithsej 19 mijë punonjës. Qendrat kërkimore të "Lenovos" janë ngritur në Pekin, Shenzhen, Xiamen, Chengdu e Shangai të Kinës, në Tokio të Japonisë dhe në Raleigh të Karolinës së Veriut në ShBA.
Si një firmë udhëheqëse botërore në tregun e kompjuterave, "Lenovo" zhvillon, prodhon dhe shet produktet teknologjike më të besueshme, më të sigurta dhe më të përdorshme, duke u ofruar klientëve edhe shërbime profesionale me cilësi të lartë dhe duke i ndihmuar ata dhe partnerët e saj në mbarë botën të arrijnë suksese të njëpasnjëshme.
