Japonia përkujtoi të mërkurën 67-vjetorin e kapitullimit të vendit në Luftën e Dytë Botërore, me një ceremoni zyrtare në Tokio.

Kryeministri Yoshihiko Noda u zotua për të kërkuar paqe ndërkombëtare.

Ndërkohë Kina i kërkoi Japonisë do të reflektojë mbi historinë e saj të pushtimit, pasi dy ministra të kabinetit vizituan Mauzoleun Yasukuni në Tokio, ku nderohen edhe disa kriminelë lufte

Zëdhënësi i ministrisë së Jashtme Qin Gang tha se Kina shpreson se pala japoneze do ta mbajë premtimin e saj dhe do të ruajë gjendjen e përgjithshme të marrëdhënieve Kinë-Japoni me veprime konkrete.

Reagimi i tij erdhi pasi ministri i Tokës, Infrastrukturës, Transportit dhe Turizmit Yuichiro Hata dhe ministri Sigurisë Kombëtare Jin Matsubara, zhvilluan homazhe në Mauzoleun Yasukuni, në përvjetorin e 67-të të kapitullimit të Japonisë në Luftën e Dytë Botërore.

Qin tha se thelbi i çështjes së Mauzoleut Yasukuni është nëse Japonia do ta trajtojë siç duhet historinë e saj të pushtimit, duke pasur parasysh respektin e ndjenjave njerëzore në vendet aziatike, duke përfshirë Kinë, e cila ka vuajtur gjatë asaj kohe. (Jiang Lei/Leftion Peristeri)

LINK:

Japonia përkujton kapitullimin, Kina i kërkon të respektojë ndjenjat e njerëzve
Policia japoneze ndalon pesë qytetarë mbrojtës të ishujve Diaoyu
Anija për mbrojtjen e ishujve Diaoyu arrin në ishujt Penghu
Kinë, reagim për lutje në tempullin Yasukuni