Anija e Hong-Kongut të Kinës për mbrojtjen e ishujve Diaoyu, "Qifeng 2", që u nis dy ditë më parë, arriti më 14 gusht në hapësirën e ishujve Penghu. Ajo do të bashkohet me anijet e mbrojtjes së ishujve Diaoyu të Kinës kontinentale dhe të provincës së Tajvanit dhe pastaj të gjitha anijet do të shkojnë në ishullin Diaoyu për të shpallur sovranitetin. Media japoneze ka njoftuar se Forcat e Vetëmbrojtjes Detare të Japonisë janë të gatshme të ndalojnë anijet civile kineze për mbrojtjen e ishujve Diaoyu që t'u afrohen këtyre ishujve. Lidhur me këtë, një specialist i ushtrisë kineze u shpreh se Japonia ka dërguar forcat ushtarake për të ndaluar persona civilë kinezë, gjë që është një veprim i kundërligjshëm. Ushtria Popullore Çlirimtare e Kinës do ta ndjekë nga afër zhvillimin e gjendjes dhe shpreson që Japonia të mos kryejë ndonjë veprim radikal. Ishujt Diaoyu ndodhen në skaj të detit të Kinës Lindore dhe kanë një sipërfaqe prej 6.5 kilometrash katrorë. Ato janë një pjesë territoriale e Kinës që prej 600 vjetësh. (Du/Artani)

LINK:

Japonia përkujton kapitullimin, Kina i kërkon të respektojë ndjenjat e njerëzve
Policia japoneze ndalon pesë qytetarë mbrojtës të ishujve Diaoyu
Anija për mbrojtjen e ishujve Diaoyu arrin në ishujt Penghu
Kinë, reagim për lutje në tempullin Yasukuni