Më 14 mars në Pekin, kryeministri kinez Wen Jiabao u shpreh se tregtia e lirë do ta prodhojë forcë nxitëse në përballimin e krizës dhe për rimëkëmbjen ekonomike.

Wen Jiabao tha në konferencën e shtypit se ai e kupton kërkesën e disa vendeve për rritjen e importit të tyre. Ndërkohë që, ai nuk pranon veprimet për zhvlerësimin e monedhës kombëtare për nxitur eksportet, si dhe ushtrimin e trysnisë për të detyruar vendin tjetër të rritë vlerën e monedhës së tij. Ai është i mendimit se ky është një veprim proteksionist.

Wen Jiabao kujtoi se në kohën më të vështirë të vitit të kaluar, Kina dërgoi shumë delegacione tregtie në Evropë dhe SHBA dhe shtoi gjithashtu se Kina do të përpiqet për realizimin e bilancit të pagesave ndërkombëtare.

Wen Jiabao shprehu shpresën që SHBA-ja dhe Evropa do të pranojnë statusin e Kinës me ekonominë e tregut dhe do të heqin kufizimin e eksportit të produkteve me teknologji të lartë. (Shy Guan)

lajme përkatëse:

Kina do të nxitë procesin e trajtimit të problemit të ndryshimit të klimës
Wen Jiabao: Nuk zhduken kundërshtitë dhe problemet kryesore të ekonomisë botërore
Wen Jiabao: Qëndrueshmëria e kursit valutor të RMB-së ka nxitur rimëkëmbjen e ekonomisë botërore