CFP

Ministria e Arsimit e Kinës ka hapur një faqe interneti që ofron udhëzime falas për maturantët për aplikimet për universitete dhe kolegje pas provimit vjetor kombëtar të pranimit në kolegj të përfunduar së fundmi, i njohur gjithashtu si gaokao, bën të ditur “Xinhua”.

Rezultatet e gaokao-s së këtij viti, i cili filloi më 7 qershor në mbarë vendin dhe zgjati dy deri në katër ditë në varësi të rajoneve të ndryshme, janë planifikuar të publikohen rreth 25 qershorit.

Pas marrjes së rezultateve të tyre, studentët do të duhet të plotësojnë një listë që përshkruan institucionet ku synojnë të studiojnë sipas preferencës. Pranimet në kolegj do të bazohen si në rezultatet e testit, ashtu edhe në listat e aplikimit.

Faqja e internetit e ministrisë ofron informacion për mbi 2800 institucione në të gjithë vendin dhe detaje për më shumë se 130 diploma të njohura, duke përfshirë kurset e tyre kryesore dhe opsionet e mundshme të karrierës.

Studentët gjithashtu mund të futin rezultatet e testeve në faqen e internetit dhe të marrin rekomandime në lidhje me zgjedhjen e studimeve, bazuar në analizën e të dhënave të mëdha të pranimeve në kolegj në vitet e kaluara.

CFP

Ministria njoftoi se më vonë do të sigurojë një platformë në internet për universitetet dhe kolegjet për t'iu përgjigjur pyetjeve të studentëve përmes bisedave me tekst dhe transmetimit të drejtpërdrejtë.

Pranimi në kolegj do të fillojë në fillim të korrikut dhe do të përfundojë para fundit të gushtit në pjesën më të madhe të vendit.

Një numër rekord prej 13.42 milionë individësh morën pjesë në gaokao këtë viti, një rritje prej 510.000 personash krahasuar me vitin e kaluar. (Elona)