Takimi midis Song Tao (djathtas) dhe John Thornton / foto nga “Taiwan.cn”
Song Tao, një zyrtar i lartë i çështjeve të Tajvanit, u bëri thirrje të enjten Shteteve të Bashkuara të punojnë me Kinën për të ruajtur paqen e qëndrueshmërinë ndërmjet dy brigjeve të Ngushticës së Tajvanit, për të kundërshtuar "pavarësinë e Tajvanit" dhe për të mbështetur ribashkimin e Kinës.
Song, kreu i Zyrës së Punës për Tajvanin të Komitetit Qendror të Partisë Komuniste të Kinës (PKK) dhe i Zyrës së Çështjeve të Tajvanit të Këshillit të Shtetit të Kinës, i bëri këto komente gjatë takimit në Pekin me bashkëkryetarin e Bordit të Administratorëve të Shoqatës së Azisë, John Thornton.
Duke vënë në dukje se çështja e Tajvanit është vija e parë e kuqe që nuk mund të shkelet në marrëdhëniet ndërmjet Kinës e ShBA-së, Song i kërkoi palës amerikane të jetë plotësisht e vetëdijshme për natyrën e rrezikshme të përpjekjeve separatiste nga autoritetet e Partisë Demokratike Progresive të Tajvanit.
Ai tha gjithashtu se Shtetet e Bashkuara duhet t'u përmbahen parimit të "një-Kine" dhe tre komunikatave të përbashkëta midis dy vendeve.
Thornton-i, nga ana e tij, vuri në dukje se paqja dhe qëndrueshmëria përgjatë Ngushticës së Tajvanit përputhen me interesat e përbashkët si të Shteteve të Bashkuara, ashtu dhe Kinës. (Wang Lei/ Artan)