Anija e parë e madhe e lundrimit në Kinë, “Adora Magic City”, ka përfunduar 37 udhëtime dhe ka mirëpritur mbi 150.000 turistë deri të premten, sipas operatorëve të saj, shkruan “Xinhua”.

foto: VCG

Anija e nisi udhëtimin e saj të parë në fillim të vitit dhe fitoi popullaritet në mesin e turistëve.

Në prag të Festivalit të Varkave të Dragoit të këtij viti, anija priti gati 4000 pasagjerë menjëherë pasi u ankorua në Terminalin Ndërkombëtar të Kroçerave në Shangai Wusongkou.

Anija e lundrimit, 323.6 metra e gjatë, ka një peshë bruto prej 135.500 tonësh dhe mund të mbajë deri në 5246 pasagjerë në 2125 dhoma.

Mbi 1000 prodhues vendas dhe të huaj u përfshinë në ndërtimin e “Adora Magic City”.

Ndërkohë, anija e dytë e madhe e lundrimit hyri në një kantier detar në Shangai për montimin përfundimtar më 20 prill, duke nënkuptuar se Kina ka zhvilluar aftësinë për t'u angazhuar në prodhimin me shumicë të anijeve turistike. (Irma)