Foto nga CFP
Me rritjen dinamike dhe pikat e forta kryesore në inovacionin digjital, kompanitë kineze të printimit kanë qenë në qendër të vëmendjes në ekspozitën Drupa 2024, ngjarja kryesore e teknologjisë së printimit në botë, njofton “Xinhua”.
Drupa, e njohur si “Olimpiada e industrisë së printimit”, është ekspozita ndërkombëtare më e madhe dhe më prestigjioze në botë në industrinë e printimit.
Drupa 2024, që zhvillohet nga 28 maji deri më 7 qershor, ka tërhequr mbi 1600 ekspozues, me më shumë se 440 që vijnë nga Kina.
Sipas ekspertëve, tre aspekte përcaktojnë kontributin e Kinës: efikasiteti, inovacioni dhe vlera. Ata thonë se Kina i kombinon me mjeshtëri të gjithë këta elementë.
Kina është tregu më dinamik dhe tregu më i madh i vetëm në mbarë botën me shkallën më të lartë të rritjes, si dhe ka një kërkesë në rritje të shpejtë për digjitalizim. (Fatosi)