Foto nga VCG

Konsumi i energjisë elektrike në Kinë, një barometër kyç i aktivitetit ekonomik, regjistroi një zgjerim të fuqishëm në mars 2024, treguan të mërkurën të dhënat zyrtare.

Përdorimi i energjisë u rrit 7.4 për qind nga viti i kaluar në 794.2 miliardë kilovat-orë muajin e kaluar, sipas Administratës Kombëtare të Energjisë, citon “Xinhua”.

Konkretisht, energjia e konsumuar nga industritë parësore dhe dytësore u zgjerua përkatësisht me 7 për qind dhe 4.9 për qind nga i njëjti muaj i vitit të kaluar. Energjia e përdorur nga sektori terciar u rrit me 11.6 për qind.

Përdorimi i energjisë për banesa në Kinë në mars regjistroi një rritje prej 15.8 për qind nga e njëjta periudhë e vitit të kaluar, zbuluan të dhënat.

Në tremujorin e parë të vitit, përdorimi i energjisë në vend u rrit me 9.8 për qind në gati 2.34 trilionë kilovat-orë. (Elona)