Gjatë vizitës shtetërore në Francë, presidenti kinez Xi Jinping botoi një artikull të dielën në gazetën "Le Figaro” me titull: "Të trashëgojmë frymën e vendosjes së marrëdhënieve diplomatike Kinë-Francë për të promovuar së bashku paqen dhe zhvillimin botëror".
Teksti i plotë i artikullit është si më poshtë:
Foto: VCG
Të trashëgojmë frymën e vendosjes së marrëdhënieve diplomatike Kinë-Francë për të promovuar së bashku paqen dhe zhvillimin botëror
Presidenti i Republikës Popullore të Kinës Xi Jinping
Me ftesë të presidentit Macron, gëzohem shumë të bëj vizitën time të tretë shtetërore në Francë.
Në sytë e popullit kinez, Franca ka një bukuri unike. Këtu kanë lindur shumë filozofë, shkrimtarë dhe artistë me ndikim botëror, duke ofruar frymëzim ideologjik për mbarë njerëzimin. Më shumë se 150 vjet më parë, francezët morën pjesë në krijimin e Byrosë së Anijes Fujian dhe të Institutit të Ndërtimit të Anijes Fuzhou. Franca ishte e para që pranoi studentë kinezë me financim kombëtar. Njëqind vjet më parë, ndër të rinjtë kinezë që shkuan në Francë për studim, disa prej tyre dhanë kontribut të jashtëzakonshëm më vonë për themelimin dhe zhvillimin e Kinës së Re. Franca ishte vendi i parë i madh perëndimor që vendosi zyrtarisht marrëdhënie diplomatike me Kinën e Re.
Viti 2024 është një moment me rëndësi të veçantë. Vij në Francë në këtë moment, duke sjellë tre informacione nga Kina.
--Kina është e gatshme të çojë përpara frymën e vendosjes së marrëdhënieve diplomatike me Francën dhe të promovojë këto marrëdhënie të përparojnë më tej për të çelur një të ardhme të re.
Ky vit shënon 60 vjetorin e vendosjes së marrëdhënieve diplomatike midis Kinës dhe Francës. Gjashtë dekada më parë, gjenerali de Gaulle, duke nisur me një vizion strategjik, mori vendimin të vendoste marrëdhënie diplomatike me Kinën e Re. Në kulmin e Luftës së Ftohtë, ishte jashtëzakonisht e vështirë për të marrë një vendim të tillë në mënyrë të pavarur dhe faktet e mëvonshme vërtetuan se ishte i drejtë dhe largpamës. Vendosja e marrëdhënieve diplomatike midis Kinës dhe Francës ka ndërtuar një urë midis Lindjes dhe Perëndimit, si dhe ka nxitur evoluimin e marrëdhënieve ndërkombëtare drejt dialogut dhe bashkëpunimit.
Gjatë 60 viteve të fundit, marrëdhëniet Kinë-Francë kanë ecur gjithmonë sipas prirjes së kohës. Ndër marrëdhëniet e Kinës me vendet perëndimore, Franca është e para me të cilën, Kina krijoi një partneritet strategjik gjithëpërfshirës dhe nisën mekanizmin e dialogut strategjik; zhvilloi bashkëpunimin në aviacion, energjinë bërthamore, tregjet e palëve të treta, etj.; krijoi qendra kulturore, zhvilloi reciprokisht vite të kulturës, duke udhëhequr njohjen reciproke të qytetërimeve globale. Bashkëpunimi mes dy vendeve ka çuar në nënshkrimin e Marrëveshjes së Parisit për ndryshimet klimatike dhe "Kornizën e Biodiversitetit Global Kunming-Montreal", e cila ka promovuar efektivisht agjendën globale në përballjen e ndryshimeve klimatike.
Historia është mësuesja më e mirë. Rendi botëror i tanishëm është i paqëndrueshëm dhe sërish përballet me shumë rreziqe. Kina është e gatshme të punojë me Francën për të çuar përpara frymën e vendosjes së marrëdhënieve diplomatike, për të promovuar zhvillimin e vazhdueshëm të partneritetit gjithëpërfshirës strategjik dypalësh, duke dhënë kontribute të reja në forcimin e bashkëpunimit botëror.
--Kina do të zgjerojë hapjen e nivelit të lartë dhe do të thellojë bashkëpunimin me vendet në mbarë botën, përfshirë Francën.
Ky vit shënon 75 vjetorin e themelimit të Kinës së Re. Gjatë 75 viteve të fundit, falë punës së palodhur të të gjithë popullit kinez, Kina është zhvilluar nga zero në ekonominë e dytë botërore, ku qindra milionëra të varfër ruralë janë nxjerrë nga skamja, duke krijuar një mrekulli në historinë e zhvillimit të njerëzimit. Ekonomia kineze u rrit 5.2% në vitin 2023 dhe objektivi i saj për vitin 2024 është rreth 5%, me një cilësi më të lartë zhvillimi. Kina do të vazhdojë të japë shtysë për rritjen globale dhe të sjellë mundësi për vendet e tjera të botës.
Një përvojë e rëndësishme e Kinës gjatë zhvillimit është këmbëngulja e palëkundur për t'u hapur ndaj botës së jashtme. Ne mirëpresim më shumë produkte cilësore bujqësore dhe kozmetike franceze të hyjnë në tregun kinez, për të përmbushur nevojat në rritje të popullit kinez për një jetë më të mirë. Ne mirëpresim kompanitë nga e gjithë bota, përfshirë Francën, për të bërë investime dhe për të filluar biznesin në Kinë. Ne kemi shpallur gjithashtu një politikë 15-ditore pa viza për qytetarët e thjeshtë të shumë vendeve, si dhe të Francës dhe kemi marrë masa të reja për të lehtësuar udhëtimin turistik dhe kryerjen e pagesave të vizitorëve të huaj në Kinë.
Hapja e Kinës përfshin gjithashtu inkurajimin e kompanive të saj për të zhvilluar bashkëpunim jashtë vendit.
Aktualisht, Franca po promovon "ri-industrializimin" bazuar në inovacionin e gjelbër dhe Kina po përshpejton gjithashtu zhvillimin e forcave të reja prodhuese. Disa kompani kineze kanë ngritur tashmë fabrika të baterive në Francë. Qeveria kineze mbështet më shumë kompani kineze që të investojnë në Francë dhe shpreson që Franca t'u sigurojë atyre një mjedis biznesi të barabartë dhe të drejtë.
---Kina është e gatshme të forcojë komunikimin dhe bashkëpunimin me Francën për të ruajtur paqen dhe stabilitetin botëror.
Ky vit shënon 70 vjetorin e shpalljes së Pesë Parimeve të Bashkëekzistencës Paqësore. 70 vjet më parë, Kryeministri Zhou Enlai propozoi për herë të parë plotësisht pesë parimet duke përfshirë "respektimin e ndërsjellë për sovranitetin dhe integritetin territorial, mossulmimin e ndërsjellë, mosndërhyrjen në çështjet e brendshme të njëri-tjetrit, barazinë dhe përfitimin reciprok dhe bashkëekzistencën paqësore". Gjatë 70 viteve të fundit, Pesë Parimet e Bashkëekzistencës Paqësore janë pranuar dhe njohur përgjithësisht nga vendet në mbarë botën dhe janë bërë një normë e rëndësishme për marrëdhëniet moderne ndërkombëtare.
Kina është praktikuesi besnik i Pesë Parimeve të Bashkëekzistencës Paqësore. Në më shumë se 70 vjet që nga themelimi i Republikës Popullore të Kinës, ajo kurrë nuk ka nisur një luftë apo pushtuar asnjë centimetër tokë të vendeve të tjera. Kina është gjithashtu i vetmi vend në botë që ka shkruar aderimin e saj në rrugën e zhvillimit paqësor në kushtetutën e saj dhe është i vetmi vend midis fuqive bërthamore, që ka premtuar se nuk do të jetë i pari që të përdorë armë bërthamore.
Vitet e fundit, unë kam propozuar në mënyrë të njëpasnjëshme Iniciativën për Zhvillimin Global, Iniciativën e Sigurisë Globale dhe Iniciativën e Qytetërimit Global për të kontribuar me zgjidhjet kineze për përmirësimin e qeverisjes globale dhe zgjidhjen e problemeve në zhvillimin njerëzor, të cilat kanë marrë mbështetje nga më shumë se 100 vende dhe organizata ndërkombëtare në nivel global.
Kina e kupton ndikimin që kriza e Ukrainës ka pasur te populli evropian. Kina nuk është as krijuesja e krizës në Ukrainë, as palë apo pjesëmarrëse, por ne kemi luajtur një rol konstruktiv në promovimin e një zgjidhjeje paqësore të krizës. Unë kam bërë një sërë thirrjesh, duke përfshirë respektimin e qëllimeve dhe parimeve të Kartës së Kombeve të Bashkuara, duke respektuar sovranitetin dhe integritetin territorial të të gjitha vendeve dhe duke i kushtuar vëmendje shqetësimeve të arsyeshme të sigurisë të të gjitha palëve, duke theksuar se armët bërthamore nuk mund të përdoren dhe as lufta bërthamore nuk mund të bëhet. Kina ka ofruar një sërë ndihmash humanitare për Ukrainën dhe ka dërguar përfaqësues të posaçëm në vendet përkatëse për ndërmjetësim. Sa më shumë të zgjasë kriza në Ukrainë, aq më i madh do të jetë dëmi për Evropën dhe botën. Kina shpreson që kontinenti evropian do t'i kthehet paqes dhe stabilitetit sa më pare dhe është e gatshme të punojë me komunitetin ndërkombëtar, përfshirë Francën, për të gjetur një rrugë të arsyeshme për zgjidhjen e krizës.
Konflikti izraelito-palestinez prek gjithashtu zemrat e njerëzve. Zgjidhja themelore e çështjes palestinezo-izraelite qëndron në krijimin e një shteti të pavarur palestinez. Historia ka vërtetuar vazhdimisht se arsyeja themelore pse situata palestinezo-izraelite ka rënë në mënyrë të përsëritur në trazira është se rezolutat e Kombeve të Bashkuara nuk janë zbatuar në mënyrë efektive, themeli i "zgjidhjes me dy shtete" është gërryer vazhdimisht, Lindja e Mesme dhe procesi i paqes ka devijuar nga rruga e duhur. Kina dhe Franca kanë shumë konsensus për çështjen palestinezo-izraelite dhe duhet të forcojmë bashkëpunimin dhe të kontribuojmë në rivendosjen e paqes në Lindjen e Mesme.
Konfuci vuri në dukje se “një njeri me integritet të vërtetë moral është ai që është miqësor, por i pavarur, dhe që nuk bën kompromis me parimet e tij, që është i pavarur pa asnjë anim apo duke mbajtur anë. Sa i patundur është ai në forcën e tij!” Shkrimtari francez Romain Rolland tha se “Braktisja e të menduarit të pavarur është thelbi i të keqes.” Si Kina ashtu edhe Franca e vlerësojnë pavarësinë si dy vende kryesore. Ndërveprimet tona në rrjedhën e gjatë të historisë kanë lëshuar energji të jashtëzakonshme, duke lëkundur trajektoren e botës. Tani jemi në një pikënisje tjetër historike. Le të bashkojmë duart në këtë rrugëtim të ri drejt përparimit më të madh në marrëdhëniet kino-franceze në dobi të dy vendeve tona dhe të botës!
