Presidenti i “Xinhua”, Fu Hua, dhe drejtori ekzekutiv i “ATV”, Tamas Kovacs/Xinhua

Agjencia kineze e lajmeve “Xinhua” dhe grupi mediatik “ATV” i Hungarisë nënshkruan një memorandum mirëkuptimi, duke rënë dakord për të forcuar bashkëpunimin në nivele të shumta dhe në fusha të gjera, duke përfshirë shkëmbimin e produkteve të lajmeve dhe informacionit dhe komunikimet e personelit, shkruan “Xinhua”.

Presidenti i “Xinhua”, Fu Hua, dhe drejtori ekzekutiv i “ATV”, Tamas Kovacs, nënshkruan së bashku memorandumin e mirëkuptimit.

Fu tha se ky vit shënon 75-vjetorin e vendosjes së lidhjeve diplomatike midis Kinës dhe Hungarisë dhe pas pak ditësh presidenti kinez Xi Jinping do të bëjë një vizitë shtetërore në Hungari.

“Pas udhëzimeve strategjike të diplomacisë së kreut të shtetit, “Xinhua” është e gatshme të punojë me “ATV”-në për të konsoliduar urën e miqësisë të shkëmbimeve kulturore Kinë-Hungari, për të rritur bashkëpunimin në aplikimin e teknologjive të reja në media dhe së bashku për të treguar mirë historitë e zhvillimit me cilësi të lartë të lidhjeve dypalëshe për të nxitur një mjedis të favorshëm të opinionit publik për shkëmbimet dhe bashkëpunimin miqësor Kinë-Hungari”,- vuri në dukje Fu.

Kovacs tha se shpreson që nënshkrimi i memorandumit të jetë një mundësi për të thelluar bashkëpunimin e “ATV”-së me “Xinhua” dhe për të promovuar mirëkuptimin e ndërsjellë midis popujve të dy vendeve.

“ATV”, kanali i parë televiziv privat hungarez, ka udhëhequr kanalet hungareze të lajmeve në shikueshmëri. Vitet e fundit, “Xinhua” dhe “ATV” janë angazhuar vazhdimisht në bashkëpunim për përkthim, botim dhe marketing, duke arritur rezultate të rëndësishme. (Irma)