Federata Gjithë Kineze e Kooperativave të Furnizimit dhe Marketingut, një organizatë ekonomike kombëtare e dedikuar për zhvillimin e rajoneve rurale, bëri të ditur se do të përshpejtojë ndërtimin e një rrjeti kombëtar për riciklimin efikas të burimeve të rinovueshme, shkruan “Xinhua”.
Foto:VCG
Organizata njoftoi përmes një deklarate se kërkon të ndërtojë më shumë vende riciklimi që i përshtaten kushteve lokale, të ndërtojë baza fabrikash të përpunimit të thellë për asgjësimin e burimeve të rinovueshme dhe të eksplorojë biznese të reja përmes riciklimit dhe asgjësimit të tre kategorive kryesore të produkteve, duke përfshirë automjetet me energji të re, bateritë litium-jon dhe panelet diellore.
Foto:VCG
Ndërkohë, organizata do të promovojë gjithashtu rinovimin në shkallë të gjerë të pajisjeve, si dhe tregtimin e mallrave të konsumit, me synimin për të përmirësuar konsumin e banorëve, thuhet në deklaratë.
Aktualisht, organizata ka mbi 800 ndërmarrje në pronësi të lidhura me burimet e rinovueshme, si dhe 35.000 vende riciklimi në të gjithë vendin.
Në vitin 2024, organizata synon të rinovojë dhe ndërtojë gjithsej 1000 vende të standardizuara riciklimi. (Elona)