Foto nga CFP

Prodhuesi gjerman i makinave “Volkswagen” regjistroi rritje të fortë në dërgesat e veturave elektrike dhe me motor me djegie në Kinë në tremujorin e parë të vitit, kundrejt një rënie të mprehtë për automjetet elektrike në Evropë, raportoi “Financial Times”, citon “Xinhua”.

Sipas të përditshmes britanike, dërgesat në Kinë u rritën pothuajse me 8 për qind në baza vjetore në 694.000 njësi, me dërgesat e makinave elektrike me 91 për qind nga një bazë e ulët, falë uljeve të çmimeve të prodhuesit të automjeteve.

“Ofensiva elektrike kineze e Grupit Volkswagen po hyn në fuqi. Në një treg që vazhdon të karakterizohet nga një luftë e vazhdueshme çmimesh, ne jemi në gjendje të regjistrojmë rritje të fortë, veçanërisht me automjetet tona të pastra me bateri”,- deklaroi kreu i “Volkswagen” për Kinën, Ralf Brandstatter.

Analistët thanë se “Volkswagen” kishte ulur çmimet për të ruajtur pjesën e tregut në Kinë mes konkurrencës së ashpër midis prodhuesve të vjetër të makinave dhe rivalëve më të rinj si “BYD” dhe “Tesla”.

Pavarësisht uljeve të vazhdueshme të çmimeve të larta, veçanërisht nga prodhuesit vendas të pajisjeve origjinale kineze, “Volkswagen” e konsideron modelin e tij të çmimeve në vend si të qëndrueshëm, sipas medies britanike. (Irma)